Ganesh Chaturthi: अवघ्या दिवसांवर येऊन ठेपलेल्या गणेश चतुर्थीसाठी चित्रकारांनी तयार केलेला गणेश मूर्तींवर (Ganesha idols) शेवटचा हात फिरवण्यास चित्रकार कामाला लागले असून उद्या सगळ्यांच्या घरात गणरायाचे आगमन होणार आहे. 10 सप्टेंबर रोजी साजरा होणाऱ्या गणेश चतुर्थीची 90 टक्के तयारी पूर्ण झाली असून गणेश चित्र शाळेतून सर्वजण उद्या आपला गणपती घरी घेऊन जाणार आहेत. तत्पूर्वी माटोळी बांधण्यात येईल. दरम्यान चित्रशाळेत (Ganesh Idols School) आगाऊ नोंदणी करून ठेवलेले गणपती मूर्तींवर चित्रकार शेवटचा टचअप देत आहेत. उद्या प्रत्येक जण आपापल्या घरी गणपती घेऊन जाणार आहे. तसेच थर्माकोल डेकोरेशन, पताका डेकोरेशन (Pataka Decoration) अंतिम टप्प्यात येऊन ठेपले आहे. यासाठी युवावर्ग रात्र जागवत आहे.

दरम्यान काही युवकांनी स्वतःहून आपल्या घरात गणेशमूर्ती तयार केल्या आहेत. भूटेभाट येथील युवा कलाकार अतूल चोडणकर गेली बारा वर्षे स्वतः आपल्या घरात पूजण्यासाठी गणेशाची मूर्ती बनवत आहे. त्याचेही काम अंतिम टप्प्यात पोहोचले आहे तसेच त्यांनी आपल्या घरात थर्माकोल डेकोरेशन केले आहे.