डिचोली: पालिका क्षेत्रातील लाखेरे येथे वादळीवाऱ्याचा तडाखा बसून या भागाला वीज प्रवाह करणारे आठ विद्युत खांब जमीनदोस्त झाले. एकाचवेळी आठ खांब मोडून रस्त्यावर पडले तरी, सुदैवाने कोणतीही अनुचित घटना घटना घडली नाही. मात्र खांब रस्त्यावर आडवे झाल्याने लाखेरे येथील मुख्य रस्त्यावरील वाहतुकीवर परिणाम झाला.

रात्री उशिरापर्यंत रस्त्यावर वाहतुकीची कोंडी निर्माण झाली. आज सायंकाळी लाखेरे भागाला वादळीवाऱ्याचा तडाखा बसला. एका झाडाची भलीमोठी फांदी एका वीज खांब्यावर कोसळली. त्याबरोबर आठ वीज खांब आडवे झाले. अशी माहिती स्थानिकांकडून मिळाली आहे.

एकाचवेळी आठ वीज खांब मोडल्याने लाखेरे गावातील वीज पुरवठा पूर्णपणे बंद झाला आहे. पूर्ण गाव अंधारात बुडाला आहे. पुन्हा वीज खांब उभे करुन वीज प्रवाह सुरळीत करण्यासाठी किमान एक-दोन दिवस लागण्याची शक्यता आहे.