गोवा राज्यातील 15-18 वयोगटातील 72,000 मुलांना चार दिवसात कोविड लसीचा पहिला डोस देण्यात येईल, अशी माहिती आरोग्य मंत्री विश्वजित राणे यांनी दिली. गेल्या आठवड्यात, पंतप्रधान नरेंद्र मोदी (Narendra Modi) यांनी या मोहीमेची घोषणा केली होती.

या योजने बद्दल बोलताना विश्वजित राणे (Vishwajit Rane) म्हणाले की, 15 ते 18 वयोगटातील मुलांना पहिला डोस देण्यासाठी सरकार सज्ज आहे आणि त्यांना लस देण्यासाठी राज्याकडे पुरेसा लसीचा साठा आहे. आरोग्य विभागाने चार दिवसांत या वयोगटातील जास्तीत जास्त मुलांचे लसीकरण (Vaccination) करण्याची योजना आखली आहे, असे आरोग्य सेवा संचालक डॉ इरा आल्मेडा यांनी सांगितले. तज्ञ समितीने अलीकडेच सरकारकडे सर्व शाळा 15 दिवसांसाठी बंद ठेवण्याची शिफारस केली आहे.