धारबांदोडा: मोले येथे रविवार ११ रोजी रात्री भूमिगत वीज वाहिनीसाठी खोदलेल्या खड्ड्यात राजू भट याचा बळी गेला. त्याची दुचाकी सरळ खड्ड्यात पडल्याने तो गंभीर जखमी झाला. त्याला उपचारासाठी बांबोळी येथे नेताना वाटेतच तो मृत्यू झाला.

सोमवारी ग्रामस्थांनी येथील प्रकरण हे गांभीर्याने घेतले व जोपर्यंत त्याला नुकसान भरपाई देणार नाही, तोपर्यंत अंत्यसंस्कार करणार नाही, अशी कडक भूमिका घेतली. पोलिसांनी

मध्यस्थी करुन कंत्राटदार व ग्रामस्थ यांची चर्चा केली. तेव्हा ग्रामस्थांनी १५ लाखाची भरपाई मृत व्यक्तीच्या कुटुंबीयांना देण्यात यावी, अशी मागणी केली. तेव्हा कंत्राटदार पहिल्यांदा काहीही न बोलता गप्पच राहिला अखेर ग्रामस्थ खवळले, तेव्हा मृत पावलेल्या व्यक्तीच्या कुटुंबीयांना १० लाख आपण नुकसान भरपाई देतो.

सोमवारी आगाऊ रोख पाच लाख व उर्वरित पाच लाख दोन दिवसांनी देतो, असे सांगितले. त्यानंतर राजू भट याच्यावर अंत्यसंस्कार करण्यात आला.