गोव्यात मॉन्सून एका आठवड्यावर येऊन ठेपलेला असताना पारंपारीक होड्यातून मासेमारी करणाऱ्या मच्छीमारानीही आवराआवर सुरू करून आपल्या होड्या काठावर आणून ठेवण्यास सुरू केले आहे. कोलवा आणि बाणावली किनाऱ्यावर ही लगबग जाणवत होती.
01 जून पासून गोव्यात मासेमारी बंदी सुरू होणार असून यांत्रिकी बोटीतून मासेमारी करण्यास बंदी लागू होणार आहे ही बंदी 31 जुलै रोजी मध्यरात्री 12 वाजता उठणार आहे.
ही बंदी पारंपरिक मासेमारीला लागू नसली तरी वादळी वाऱ्यात आपल्या होड्यांची नासधूस होऊ नये म्हणून त्या सुरक्षित ठिकाणीं ठेवण्यास सुरुवात केली आहे अशी माहिती पेले फर्नांडीस यांनी दिली.
गोव्यात 01 जूनपासून 31 जुलैपर्यंत मासेमारीस बंदी घालण्यात येते. दोन महिन्यांच्या काळात मासेमारी बंदी असल्याने ट्रॉलर्सवर काम करणारे बहुतांश कामगार आपापल्या घरी परतात.
31 मेनंतर ट्रॉलर्समालकांना मच्छीमारी जेटीचा वापर व्यवसायासाठी करता येणार नाही, अशी माहिती मच्छीमारी खात्याच्या अधिकाऱ्यांनी दिली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.