Pernem Crime: सुकेकुळण-धारगळ येथे दोन वाहनांमध्ये झालेल्या अपघातानंतर झालेल्या वादात जीवे मारण्याची धमकी दिल्याप्रकरणी पेडणे पोलिसांनी सहा जणांवर गुन्हा दाखल केला तसेच त्यांना अटक केली.

संशयित रोहन राजेंद्र कांदोळकर (30, वाडी कांदोळी) प्रितेश प्रेमनाथ मयेकर (31. पेल्ल्लावाडो उसकई), ज्ञानेश्वर संतोष मणेरकर (वाळपई), संदेश शाम नाईक (26. अन्नावाडो कांदोळी), अनुप साहेब, सत्यवान गोवेकर (पिळर्ण) मनीष रूपेश मयेकर (20, भरवण-उसकई) यांचा समावेश आहे.

त्यांनी धारगळ येथील अशोका बिल्डकॉनचेव्यवस्थापक भिक्रमसेन बारिक व त्यांच्या अन्य कर्मचाऱ्यांना 9 रोजी दोन वाहनांत अपघात झाल्यानंतर मारहाण करून धमकी दिली होती. पेडणे पोलिस ठाण्याचे निरीक्षक दत्ताराम राऊत यांच्या मार्गदर्शनाखाली उपनिरीक्षक हरिष वायंगणकर अधिक तपास करीत आहेत.