वास्को: गोव्यातील अवैधरित्या दारू विक्रीचे प्रमाण दिवसेंदिवस वाढले आहे. वास्को येथे अबकारी खात्याने (Excise Department) टाकलेल्या धाडीत तब्बल 57 हजारांची देशी-विदेशी बनावट दारूच्या बाटल्या जप्त केल्या आहेत. या गुण्यात सहभागी असलेल्यांवर गुन्हा दाखल करण्यात आला आहे.

गोव्यात बऱ्याच ठिकाणी अवैधरित्या दारू विक्री केली जाते. ही सगळे प्रकार थांबण्यासाठी वास्कोमध्ये अधिकाऱ्यांमार्फत कडक तपासणी करण्यात येत आहे. या पार्श्वभूमीवर टाकण्यात आलेल्या धाडीत अधिकाऱ्यांना अवैध दारू आणि दुकानांमध्ये प्रमाणापेक्षा जास्त दारूसाठा आढळून आला. हा सर्व साथ अबकारी खात्यातर्फे जप्त करण्यात आला आहे. ही सर्व छापे अबकारी निरीक्षक राजेश सालेलकर आणि मुकुंद गावस यांच्या नेतृत्वाखाली करण्यात आले आहेत. येत्या विधानसभा निवडणुकीच्या (Goa Assembly Elections 2022) पार्श्वभूमीवर गोव्यात अबकारी खाते आणि पोलिस प्रशासन सतर्क असून तपासण्यांचे प्रमाण वाढले आहे.