म्हापसा: डायसवाडो, नागवा येथील एका १७ वर्षीय अल्पवयीन मुलाने राहत्या भाड्याच्या खोलीत गळफास घेऊन आत्महत्या केल्याची घटना उघडकीस आली आहे.
मूळचा उत्तर प्रदेश येथील असलेला हा मुलगा सलूनमध्ये काम करत होता. एका मैत्रिणीसोबतच्या संबंधांतील तणावातून त्याने हे टोकाचे पाऊल उचलल्याचा प्राथमिक संशय हणजूण पोलिसांनी व्यक्त केला आहे. मिळालेल्या माहितीनुसार, १४ ऑक्टोबर रोजी दुपारी ३.४९ च्या सुमारास स्थानिक नागरिक यांनी पोलिसांना या घटनेची माहिती दिली.
माहिती मिळताच पोलीस घटनास्थळी धाव घेतली. त्यावेळी १७ वर्षीय मुलगा घरातील छताच्या पंख्याला नायलॉनच्या दोरीने लटकलेल्या अवस्थेत आढळून आला. १०८ रुग्णवाहिकेच्या वैद्यकीय पथकाने तपासणी करून त्याला मृत घोषित केले.
घातपात नव्हे, मानसिक तणाव
पोलिसांनी घटनास्थळाचा पंचनामा केला. प्राथमिक चौकशीत हा मुलगा हेअर कटिंग सलूनमध्ये कामाला होता आणि एका मैत्रिणीशी असलेल्या संबंधांवरून तो गेल्या काही दिवसांपासून मानसिक तणावात होता, अशी माहिती समोर आली आहे. या प्रकरणात कुटुंबीयांनी कोणत्याही घातपाताचा संशय व्यक्त केलेला नाही. पोलिसांनी अनैसर्गिक मृत्यूची नोंद केली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.