पणजी: दोन आयएएस अधिकारी व गोवा नागरी सेवेतील 15 अधिकाऱ्यांसह राज्य सरकारने 17 अधिकाऱ्यांच्या बदल्यांचा आदेश काढला आहे. संजीव गडकर यांची विशेष गृह व कार्मिक सचिव म्हणून तर मायकल डिसोझा यांची दक्षता संचालकपदी बदली झाली आहे.

संजीव गडकर (आयएएस) यांना देण्यात आलेल्या पदभाराव्यतिरिक्त गोवा कर्मचारी निवड आयोगाचे सचिव म्हणूनही ताबा देण्यात आला आहे. तसेच मायकल डिसोझा यांच्याकडे जीपार्ड प्रशिक्षण संचालकपदाचा ताबा दिला आहे. शिवाय गोवा नागरी सेवेतील अधिकाऱ्यांची बदली झाली आहे.

त्यामध्ये शशांक ठाकूर यांची डीआरडीए संचालकपदी, माया पेडणेकर दक्षता अतिरिक्त संचालक, कपिल फडते गोवा राज्य मनोरुग्ण आरोग्य अधिकारिणीचे मुख्य कार्यकारी अधिकारी, अजय गावडे क्रीडा व युवा व्यवहार खात्याचे संचालक, श्रीनेत कोठावळे दक्षिण गोवा अतिरिक्त जिल्हाधिकारी: 1, परेश फळदेसाई दक्षिण अतिरिक्त जिल्हाधिकारी: 2, जॉन्सन फर्नांडिस दक्षिण अतिरिक्त जिल्हाधिकारी: 3, केदार नाईक उत्तर अतिरिक्त जिल्हाधिकारी: 2, सुरेंद्र नाईक महसूल संयुक्त सचिव, प्रसाद वळवईकर एससी व ओबीसी वित्त विकास महामंडळाचे व्यवस्थापकीय संचालक, मान्यूएल बार्रेटो दक्षिण गोवा जिल्हा पंचायत मुख्य कार्यकारी अधिकारी, विशाल कुंडईकर भूनोंदणी व वसाहत संचालक, प्रवीण बरड गोवा कोकणी अकादमी सचिव, विनान्सिओ फुर्तादो जीआयडीसी व्यवस्थापकीय संचालक म्हणून बदली झाली आहे. तसेच त्यांच्याकेड कारागृह महानिरीक्षकपदाचा अतिरिक्त ताबा देण्यात आला आहे.