Dengue Deaths in Goa: राज्यात पुन्हा एकदा डेंग्यूचे रुग्ण वाढले आहेत. काही दिवसांपूर्वी चिखली वास्कोमधील 6 वर्षीय मुलीचा डेंग्यूमुळे मृत्यू झाल्याने हा विषय आता परत डोके वर काढत आहे. माहितीनुसार, गोवा मेडिकल कॉलेजमध्ये या वर्षभरात डेंग्यूमुळे झालेल्या इतर 16 संशयित मृत्यूंचे या महिन्याअखेर ऑडिट करण्‍यात येईल, अशी माहिती आरोग्य खात्याच्या वेक्टर-बोर्न रोगनियंत्रण विभाग प्रमुख डॉ. कल्पना महात्मे यांनी दिली.
महात्मे यांनी दिलेल्या माहितीनुसार, आम्ही पूर्वीच्या 16 प्रकरणांची छाननी जवळपास पूर्ण केली आहे. शिवाय 6 वर्षीय वाणी खानापूरची केस देखील डेथ ऑडिटसाठी ठेवत आहोत. यासाठी आम्ही आरोग्य पदाधिकारी आणि डॉक्टरांची समिती स्थापन केली आहे.
दुसरीकडे, मडगाव, राज्यात डेंग्‍यूची साथ नियंत्रणात येत असली तरी वास्‍को, कुठ्ठाळी आणि वेर्णा या तीन ठिकाणी जिथे मोठ्या प्रमाणावर कामगार वस्‍ती आहे, तिथेच डेंग्यूचे डास अजून सक्रिय असल्‍याचे दिसून आले आहे.
याचे महत्‍वाचे कारण म्‍हणजे, उघड्यावर साठवून ठेवलेले पाणी हेच असल्‍याचे उघड झाले आहे. हे पाणी साठवून ठेवण्‍यास आवश्‍‍यक असलेले उपाय न घेतल्‍यामुळेच पाऊस संपूनही या भागात डेंग्‍यू सक्रिय आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.