Power cut in Margao area

फातोर्डा: १४ ते २० ऑक्टोबरदरम्यान मडगाव परिसरात एल्वी बोर्ड, फिडर पिलर व इतर वीज उपकरणांच्या दुरुस्तीसाठी काही काळासाठी वीजप्रवाह खंडित करण्यात येणार आहे, अशी माहिती मडगाव येथील वीज कार्यालयाकडून देण्यात आली आहे.

यात १४ रोजी जीईडी क्वार्टर परिसर, १५ रोजी संचयनी, १६ रोजी गेलीन परिसर, १७ रोजी ऑइल फॅक्टरी, १८ रोजी अपोलो हॉस्पिटल, १९ रोजी न्यू इरा हायस्कूल परिसर व २० रोजी सुंदर हाऊसिंग सोसायटी परिसर.

यादरम्यान वीज खात्याकडून कंडक्टर, फिडर व अन्य वीज साहित्य बदलण्यात येणार आहे, अशी माहिती वीज खात्याकडून प्राप्त झाली आहे. या सर्व ठिकाणी सकाळी ९ ते दुपारी ३ वाजेपर्यंत हे कामकाज चालणार आहे. त्‍यामुळे वरील परिसरात सकाळी ९ ते दुपारी ३ वाजेपर्यंत वीजपुरवठा खंडित राहणार आहे.

गोवा