father killed daughter Dainik Gomantak
गोवा

Old Goa : गोवा पुन्हा हादरला! कांदोळीनंतर चोडणमध्ये पित्यानेच केला मुलीचा खून

12 वर्षीय मुलगी तीन दिवसांपासून होती बेपत्ता

Rajat Sawant

Old Goa : काही दिवसांपूर्वी कांदोळी येथे एका पित्याने पोटच्या दोन मुलांचा गळा आवळून खून करत स्वत: गळफास घेत आत्महत्या केल्याचा दुर्देवी प्रकार समोर आला होता. असाच एक धक्कादायक प्रकार जुने गोवे येथील चोडणमध्ये उघडकीस आला आहे. चोडणमध्ये मानसीच्या परिसरात एका 12 वर्षीय मुलीचा मृतदेह आढळून आला आहे. अल्पवयीन मुलीच्या हत्येप्रकरणी तिच्या वडिलांना जुने गोवे पोलिसांनी अटक केली आहे.

जुने गोवे येथील चोडणमध्ये एक धक्कादायक प्रकार उघडकीस आला आहे. चोडणमध्ये मानसी परिसरात हा प्रकार संध्याकाळी उघडकीस आला होता. मानसी परिसरात एका 12 वर्षीय मुलीचा मृतदेह आढळून आला होता. मृत मुलगी गेल्या तीन दिवसांपासून बेपत्ता होती. याप्रकरणाचा तपास जुने गोवे पोलिसांकडून सुरु होता. अवघ्या काही तासांतच जुने गोवे पोलिसांनी या प्रकरणाचा छडा लावत संशयित आरोपीस अटक केली आहे. 12 वर्षीय मुलीचा तिच्या पित्यानेच खून केल्याची धक्कादायक माहिती समोर आली आहे. मोहम्मद सलीम (34) असे संशयित आरोपीचे नाव आहे. याप्रकरणी जुने गोवे पोलिसांनी तिच्या पित्यालाच अटक केली आहे.

कांदोळी येथे एका पित्याने पोटच्या दोन मुलांचा गळा आवळून खून करत स्वत: गळफास घेत आत्महत्या केल्याचा प्रकार समोर आला होता. ओर्डा-कांदोळी येथे शनिवारी रात्री उशिरा याबाबतची माहिती उघडकीस आली होती. या हत्‍याकांडामुळे संपूर्ण गोवा हादरून गेला होता. जॉय फर्नांडिस असे हत्या केलेल्या बापाचे नाव आहे. तर मुलगी अनानिया (13) आणि मुलगा जोसेफ (8) अशी मुलांची नावे आहेत. जॉय फर्नांडिस हा गेल्या 8 वर्षांपासून बेरोजगार होता तसेच जॉय व त्याचा पत्नीमध्ये कौंटुबिक वाद होत होते अशी जबानी जॉय फर्नांडिस याच्या पत्नीने पोलिसांना दिली होती.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

लग्नाचे वचन दिले, घरात बोलणी सुरु झाली पण 'तो' शरीराची भूक भागवून पसार झाला; गोव्यात सरकारी अधिकाऱ्याविरोधात लैंगिक अत्याचाराचा गुन्हा

Mormugao: मुरगावात ४० इमारती धोकादायक! पालिका इमारतींचाही समावेश; ठोस कृती करण्याची गरज

Mhaje Ghar: 'भाजप सरकार कोणाचेच घर मोडणार नाही'! मुख्यमंत्र्यांची ग्वाही; सर्व घरे कायदेशीर करण्याचा प्रयत्न असल्याचा दावा

Goa Today's News Live: जबडा तुटला, पाळीव कुत्र्याच्या तोंडावर झाडली गोळी, गुन्हा दाखल

Chapora River: शापोरा नदी घेणार ‘मोकळा’ श्‍‍वास! सव्वालाख घनमीटर गाळ निघणार; सात ते आठ कोटींचा येणार खर्च

SCROLL FOR NEXT