धारगळचे पंच पूर्ण टिंटेड कारमधून पोलिसांसमोर पंचायतीत दाखल झाले. गोवा पोलिसांनी 1000 रुपयांचे चलन जारी करून कारवाई केली आहे.

गोव्यात मिल्क बँक स्थापन करण्यासाठी गोवा सरकार इंडियन ऑईलसोबत सहकार्य करेल अशी माहिती मुख्यमंत्री सावंत यांनी दिली.

मनी लाँड्रिंग आणि जमीन हडपण्यातील मुख्य संशयित विक्रांत शेट्टी याला उच्च न्यायालयाने सशर्त जामीन मंजूर केला आहे.

धारगळचे पंच पूर्ण टिंटेड कारमधून पोलिसांसमोर पंचायतीत दाखल झाले. गोवा पोलिसांनी सोशल मीडियावर नमूद केले आहे की यावर कारवाई केली जाईल.

डिचोली येथे गोव्यातील पहिल्या ॲलोपॅथिक आणि आयुर्वेदिक इंटिग्रेटेड रुग्णालयाचे उद्घाटन झाले. या रूग्णालयाचा फायदा गोव्यातील तसेच महाराष्ट्र आणि कर्नाटकातून येणाऱ्या रुग्णांना होणार आहे. येत्या 5-6 महिन्यांत रुग्णालय सुरू होण्याची शक्यता आहे. EWS साठी रुग्णालयात 10% सेवा मोफत असतील अशी माहिती मुख्यमंत्री सावंत यांनी दिली.

धारगळ पंचायतीने सनबर्नला दिली परवानगी. ५ विरुद्ध ४ मतांनी सनबर्नच्या अर्जाला मंजूरी.

ॲड. अमित पालेकर यांनी पंच सदस्यानी पोलिसांसमोर टिंटेड कारमध्ये प्रवेश करण्यावर टिप्पणी केली. पालेकर म्हणतात की," दबंग राजकारणी आणि शक्तीहीन गोवा पोलिस अशी ही गत आहे. ती सामान्य माणसाची गाडी असती तर पोलिसांनी टींट फाडून टाकली असती पण राजकारण्यांच्या गाडीला हात लावायची त्यांच्यात मुळीच ताकद नाही. "

जे लोक सनबर्न महोत्सवाला समर्थन करतात ते आपल्या कुटुंबासह या महोत्सवाला जाणार का? आम्ही समाज घडविण्याचे काम करतो की बिघडविण्याचे? भाजप कार्यकर्ते गिरीश कामत यांचा समर्थकांना सवाल

धारगळ पंचायतीकडे मोठ्या प्रमाणात पोलिस फौजफाटा तैनाद. सनबर्नच्या परवानगीसाठी आलेल्या अर्जावर निर्णय देण्यासाठी पंचायत मंडळाची सोमवारी (२ डिसेंबर २०२४) बैठक. पत्रकारांवर मात्र निर्बंध.