Snehal Kauthankar Double Century Dainik Gomantak
गोंयचें खेळामळ

Ranji Trophy: स्नेहलचा 'द्विशतकी' दणका! नागालॅंडच्या गोलंदाजांना फोडला घाम; अभेद्य आघाडीसह गोव्याचा विजेतेपदाचा दावा भक्कम

Snehal Kauthankar Double Century: रणजी करंडक क्रिकेट प्लेट स्पर्धेत गोवा आणि नागालॅंड यांच्यात घमासान पाहायला मिळत आहे. चौथ्या दिवशी गोव्याच्या फलंदाजांनी नागालॅंडच्या गोलंदाजांचा चांगलाचं समाचार घेतला.

Manish Jadhav

Snehal Kauthankar Double Century: रणजी करंडक क्रिकेट प्लेट स्पर्धेत गोवा आणि नागालॅंड यांच्यात घमासान पाहायला मिळत आहे. चौथ्या दिवशी गोव्याच्या फलंदाजांनी नागालॅंडच्या गोलंदाजांचा चांगलाचं समाचार घेतला. स्नेहल कवठणकर आणि कश्यप बखले यांनी शानदार फलंदाजी केली. गोव्याचे धाकड नागालॅंडच्या गोलंदाजांवर तुटून पडले. स्नेहलने नाबाद द्विशतक (202) ठोकले तर कश्यप बखलेने 161 धावांची शानदार खेळी खेळली. या दोघांच्या अफलातून खेळीच्या जोरावरच गोव्याने धावांचा डोंगर उभारला.

578 धावांचे लक्ष्य

गोव्याने (Goa) 578 धावांचे लक्ष्य ठेवून 7 बाद 517 धावांवर आपला डाव घोषित केला. स्नेहल आणि कश्यपने आपल्या शानदार खेळीदरम्यान चौकार आणि षटकारांचा पाऊस पाडला. दोघांनीही चौफेर फटकेबाजी केली. पहिल्या दिवशी नागालॅंडच्या गोलंदाजांनी गोव्याला घायगुतीला आणले होते. मात्र दुसऱ्या आणि तिसऱ्या दिवशी गोव्याच्या गोलंदाज आणि फलंदाजांनी सामन्यात पुन्हा कमबॅक करत नागालॅंडला कडवी टक्कर दिली. दरम्यान, स्नेहल आणि कश्यप यांच्या अभेद्य भागीदारीमुळे गोव्याने रणजी करंडक क्रिकेट प्लेट विजेतेपदासाठीचा दावा भक्कम केला. दुसरीकडे, चौथ्या दिवसाअखेर खेळण्यासाठी आलेल्या नागालॅंडच्या संघाने विकेट न गमावता 33 धावा केल्या, तरीही त्यांना विजयासाठी 545 धावांची आवश्यकता आहे.

पाच दिवसीय अंतिम सामना

पाच दिवसीय अंतिम सामना नागालँडमधील सोविमा येथे सुरु आहे. सामन्याच्या तिसऱ्या दिवसाअखेर गोव्याने दुसऱ्या डावात 3 बाद 224 धावा केल्या होत्या. कश्यपने रणजी सामन्यात लागोपाठ दुसऱ्यांदा शतक नोंदवले. शनिवारी (22 जानेवारी) सामन्याच्या तिसऱ्या दिवशी सकाळी 4.5 षटकांत आणखी 11 धावांची भर टाकून नागालँडचा पहिला डाव 216 धावांत संपुष्टात आला होता. त्यामुळे गोव्याला 60 धावांची आघाडी मिळाली होती. मध्यमगती गोलंदाज हेरंब परब याने कारकिर्दीतील सर्वोत्तम कामगिरी नोंदविताना 30 धावांत 5 विकेट्स घेतल्या.

संकटमोचक जोडी

मागील नोव्हेंबरमध्ये पर्वरी येथे अरुणाचल प्रदेशविरुद्ध रणजी प्लेट सामन्यात स्नेहल कवठणकर (नाबाद 314) व कश्यप बखले (नाबाद 300) यांनी तिसऱ्या विकेटसाठी 606 धावांची विक्रमी अभेद्य भागीदारी केली होती. तोच फॉर्म कायम राखताना शनिवारी ही जोडी गोव्यासाठी संकटमोचक ठरली होती.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shehbaz Sharif: भारताला शत्रू म्हटले, युद्ध जिंकल्याचा केला दावा, शेवटी शांततेसाठी मागितली भीख; पाकच्या पंतप्रधानांचा युएनमध्ये थापांचा पाऊस

रावळपिंडी एक्सप्रेसचं स्लिप ऑफ टंग! अख्तरच्या तोंडून अभिषेक शर्माऐवजी अभिषेक बच्चनचं नाव, त्याने पोस्ट करत दिली प्रतिक्रिया Watch Video

Shehbaz Sharif Video: 'पाकिस्तान दहशतवाद कधी थांबवणार?' रिपोर्टरच्या थेट प्रश्नावर काय म्हणाले शाहबाज शरीफ? शाब्दिक चकमकीचा व्हिडिओ व्हायरल

43.20 कोटींच्या कोकेन प्रकरणात आरोपीला सशर्त जामीन मंजूर; दक्षिण गोवा जिल्हा सत्र न्यायालयाचा मंगेश वाडेकरला दिलासा

Goa Crime: 17 वर्षीय मुलीला पळवून नेऊन केला लैंगिक अत्याचार, डिचोलीतील घटनेनं खळबळ; कणकवलीच्या तरुणाला अटक

SCROLL FOR NEXT