I League 2024

पणजी: माजी विजेत्या धेंपो स्पोर्टस क्लबने आय-लीग फुटबॉल स्पर्धेतील पुनरागमन बरोबरीच्या एका गुणासह साजरे केले. ऐजॉल येथे झालेल्या लढतीत शनिवारी त्यांनी यजमान ऐजॉल एफसीला गोलशून्य बरोबरीत रोखले.

शनिवारी झालेल्या स्पर्धेतील आणखी एका सामन्यात पंजाबमधील भैनी साहिब-लुधियाना येथे नामधारी एफसीने दिल्ली एफसीलाही गोलशून्य बरोबरीत रोखले. सामन्याच्या ६१व्या मिनिटास फ्रान्सिस अड्डो याला रेड कार्ड मिळाल्यानंतर दहा खेळाडूंसह खेळत नामधारी संघाने गुणाची कमाई केली.

धेंपो क्लबचा स्पर्धेतील पुढील सामना ३० नोव्हेंबर रोजी शिलाँग येथे शिलाँग लाजाँग एफसीविरुद्ध होईल. रविवारी (ता. २४) शिलाँग लाजाँग गोव्यातील आणखी एक संघ चर्चिल ब्रदर्सविरुद्ध खेळेल.