Hockey Mens Junior World Cup 2025: एफआयएच हॉकी पुरुष ज्युनियर विश्वचषक भारतात होणार आहे. ही स्पर्धा तामिळनाडूमध्ये आयोजित केली जाणार आहे. या स्पर्धेत पहिल्यांदाच 24 संघ सहभागी होत आहेत. त्यापैकी एक पाकिस्तानचा संघ आहे. पहलगाम दहशतवादी हल्ल्यानंतर दोन्ही देशांमधील संबंध बिघडल्यानंतर पहिल्यांदाच पाकिस्तानी संघ भारत दौऱ्यावर येऊ शकतो. इतकेच नाही तर या स्पर्धेसाठी भारत आणि पाकिस्तानला एकाच पूलमध्ये ठेवण्यात आले आहे. हॉकी पुरुष ज्युनियर विश्वचषकासाठी सर्व 24 संघांना 6 पूलमध्ये विभागण्यात आले आहे. आता अशा परिस्थितीत, पुन्हा एकदा चाहत्यांना क्रीडा क्षेत्रात भारत आणि पाकिस्तानची लढाई पाहता येईल.
पूल A- दक्षिण आफ्रिका, आयर्लंड, कॅनडा आणि जर्मनी
पूल B- भारत, पाकिस्तान, स्वित्झर्लंड, चिली
पूल C- न्यूझीलंड, जपान, चीन, अर्जेंटिना
पूल D- नामिबिया, स्पेन, इजिप्त, बेल्जियम
पूल E- इंग्लंड, नेदरलँड्स, ऑस्ट्रेलिया, मलेशिया
पूल F- ऑस्ट्रेलिया, बांगलादेश, फ्रान्स आणि कोरिया
गेल्या वेळी जर्मनीने एफआयएच हॉकी पुरुष ज्युनियर विश्वचषक जिंकला होता. अंतिम फेरीत जर्मनीने फ्रान्सचा (France) 2-1 असा पराभव करुन विजेतेपद पटकावले होते.
याप्रसंगी, हॉकी इंडियाचे सरचिटणीस भोलानाथ सिंह म्हणाले की, "आज हॉकी जगतासाठी एक ऐतिहासिक क्षण आहे कारण आपण 24 देशांच्या सहभागासह पहिल्या एफआयएच ज्युनियर पुरुष हॉकी विश्वचषकासाठी पूल ड्रॉ पाहत आहोत. हॉकी इंडियाच्या वतीने मी भारताचे (India) माननीय पंतप्रधान नरेंद्र मोदी यांचे देशभरातील हॉकी आणि त्याच्या खेळाडूंना दिलेल्या पाठिंब्याबद्दल मनापासून आभार मानतो."
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.