पणजी: गोव्याच्या मुलींनी १९ वर्षांखालील महिला एकदिवसीय क्रिकेट स्पर्धेत पहिल्या विजयाची नोंद करताना कमजोर अरुणाचल प्रदेशवर ९३ धावांनी विजय नोंदविला. केरळमधील तिरुअनंतपुरम येथील सेंट झेवियर्स केसीए मैदानावर सामना झाला.

हैदराबाद व छत्तीसगडविरुद्ध पराभूत झालेल्या गोव्याने (Goa) बुधवारी प्रथम फलंदाजी करताना ९ बाद १९७ धावा केल्या, नंतर अरुणाचल प्रदेशचा डाव १०४ धावांत गुंडाळला. गोव्याच्या विधी भांडारे हिने गोलंदाजीत छाप पाडताना ३२ धावांत ५ गडी बाद केले.

संक्षिप्त धावफलक

गोवा ः ५० षटकांत ९ बाद १९७ (पलक आरोंदेकर ४०, निखिला नाईक ३३, हर्षिता यादव २६, अथश्री शिवारकर ११, स्वराली कासार नाबाद ३१, संचित सैल ०, प्राची निकम ७, सिद्धी सवासे ४, रिया मालवणकर २, अँजेल डिकॉस्ता ३, विधी भांडारे नाबाद १, चुखू अनाम २-२४, मेदुम ३-३४) वि. वि. अरुणाचल प्रदेश ः ३७.३ षटकांत सर्वबाद १०४ (तदार ओमो १६, अतिरिक्त ३६, अँजेल डिकॉस्ता ६-२-१४-१, प्राची निकम ६.३-१-९-२, विधी भांडारे १०-१-३२-५, निखिला नाईक ७-१-२१-१, सिद्धी सवासे ३-०-११-१, स्वराली कासार ४-२-१०-०, अथश्री शिवारकर १-०-१-०).