पणजी: गोव्याने कर्नाटक राज्य क्रिकेट संघटनेच्या (केएससीए) १९ वर्षांखालील चौरंगी साखळी क्रिकेट स्पर्धेत शनिवारी रोमहर्षक विजय नोंदविला. टाय लढतीत त्यांनी केएससीए ब संघावर सुपर ओव्हरमध्ये मात केली. सामना अळूर येथे झाला.

केएससीए ब संघाने ४८.१ षटकांत सर्वबाद २६६ धावा केल्या. गोव्यातर्फे पियुष देविदास याने चार गडी बाद केले. नंतर आदित्य कोटा याचे शतक व यश कसवणकर याचे अर्धशतकामुळे गोव्याने ४ बाद २६६ धावा केल्याने सामना टाय झाला.

सुपर ओव्हरमध्ये पियुष गोव्याच्या विजयाचा शिल्पकार ठरला. केएससीए ब संघासमोर ११ धावांचे लक्ष्य होते. या षटकात पियुषने फक्त चार धावा देताना एक गडी बाद केला.

संक्षिप्त धावफलक : केएससीए ब ः ४८.१ षटकांत सर्वबाद २६६ (अन्वय द्रविड ६६, वरुण पटेल १००, वासव व्यंकटेश ३५, व्यंकट चिरुगुपती ९-०-३५-१, पियुष देविदास १०-०-४२-४, अनुज यादव १०-०-७४-१, यश कसवणकर ९.१-०-५४-१, शिवेन बोरकर १०-०-५९-१) टाय विरुद्ध गोवा १९ वर्षांखालील ः ५० षटकांत ४ बाद २६६ (आदित्य कोटा १४५, यश कसवणकर ८४).