पणजी: गोवा प्रोफेशनल लीग फुटबॉल स्पर्धेत माजी विजेत्या धेंपो स्पोर्टस क्लबने उत्कंठावर्धक लढतीत एफसी गोवावर १-० फरकाने मात केली. म्हापसा येथील धुळेर स्टेडियमवर झालेल्या सामन्यात बदली खेळाडू श्रेयश नाईक याने भरपाई वेळेत (९०+४ मिनिट) केलेला गोल धेंपो क्लबसाठी पूर्ण तीन गुण मिळवून देण्यास पुरेसा ठरला.
वास्को येथील टिळक मैदानावर स्पर्धेतील अन्य एका लढतीत कुठ्ठाळी व्हिलेजर्सला पणजी फुटबॉलर्सने २-२ असे गोलबरोबरीत रोखले. कुठ्ठाळी व्हिलेजर्ससाठी पुष्कर प्रभू याने ४३व्या, तर जैसन वाझ याने ७५व्या मिनिटास गोल केला. पणजी (Panaji) फुटबॉलर्सला एस्प्रितो त्रावासोच्या स्वयंगोलचा ४५+२ व्या मिनिटास लाभ झाल्यानंतर ५९व्या मिनिटास पी. बी. बेनविन याने गोल केला.
ड्रीम स्पोर्टस फुटबॉल स्पर्धेत धेंपो स्पोर्टस क्लब व सेझा फुटबॉल अकादमी यांच्यात गोवा विभागीय अंतिम लढत होणार आहे. उपांत्य फेरीती सामने गिरी येथील मैदानावर बुधवारी झाले. धेंपो क्लबने बेळगाव युनायटेड फुटबॉल अकादमीस १-० फरकाने हरविले. जोनाथन सिल्वा याने ७६व्या मिनिटास निर्णायक गोल केला. सेझा अकादमीने एफसी गोवास (FC Goa) १-० फरकाने नमविले. ख्रिस वेडो याने ४८व्या मिनिटास गोल केला. अंतिम सामना १४ फेब्रुवारीस खेळला जाईल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.