पेडे-म्हापसा जलतरण केंद्राने ३५व्या राज्यस्तरीय सबज्युनियर-ज्युनियर जलतरण स्पर्धेत चमकदार कामगिरी नोंदविली. जेरी डिमेलो यांच्या मार्गदर्शनाखालील या केंद्रातील जलतरणपटूंनी २२ सुवर्ण, १८ रौप्य व १४ ब्राँझसह एकूण ५४ पदके जिंकली. शिवाय पाच स्पर्धा विक्रमांची नोंद केली. स्पर्धा फोंडा जलतरण तलावात झाली.

पदक विजेते ः मुलगे गट एक ः ओजस कारापूरकर (२ सुवर्ण, ४ रौप्य, १ ब्राँझ), राघव टोपले (४ सुवर्ण, १ रौप्य, २ ब्राँझ), मुली गट दोन ः विरीत्ती वेर्णेकर (२ सुवर्ण, ३ रौप्य, १ ब्राँझ), आयव्ही डिसोझा (१ ब्राँझ, १ रौप्य), मुलगे गट तीन ः आर्यन मांद्रेकर (२ सुवर्ण, २ रौप्य, २ ब्राँझ), मुली गट तीन ः माधुर्या मोरजकर (४ सुवर्ण-२ स्पर्धा विक्रम, २ रौप्य, १ ब्राँझ), राचेल डिसोझा (२ सुवर्ण, १ रौप्य, २ ब्राँझ), एकता मांद्रेकर (२ सुवर्ण, २ रौप्य, १ ब्राँझ), मुलगे गट चार ः कविश परब (३ सुवर्ण-तिन्ही स्पर्धा विक्रमासह, २ रौप्य, २ ब्राँझ), लहान गट ः मिशेला डिकॉस्ता (१ सुवर्ण).