पणजी: राज्यात झालेल्या मतदानाचा कल पाहता भाजप विरोधात अँटी इन्कबन्सी होती, हे स्पष्ट झाले असून आप भ्रष्टाचार मुक्त प्रामाणिक सरकार स्थापन करेल, असा दावा करून राज्यात त्रिशंकू विधानसभा (Assembly) अस्तित्वात आल्यास भाजप (BJP) विरोधात आघाडी बनवून त्यामध्ये आप सामील होईल, असे आपचे गोवा संयोजक राहुल म्हांबरे (Rahul Mhambare) यांनी सांगितले.

पणजीत आयोजित पत्रकार परिषदेमध्ये ते बोलत होते. यावेळी आपचे मुख्यमंत्रीपदाचे उमेदवार अमित पालेकर, सिसिल रॉड्रिग्स आदी उपस्थित होते.ते पुढे म्हणाले, की गेल्या अनेक दिवसांपासून आम आदमी पक्षाचे गोव्यात काम सुरू आहे. कोरोनाच्या काळामध्ये पक्षाने जनतेला विश्वास देत अन्नधान्याचा पुरवठा केला.