मडगाव: आलेक्स रेजिनाल्ड लॉरेन्स यांनी काँग्रेस सोडून तृणमुलमध्ये प्रवेश करून फक्त काँग्रेसचाच घात केला असे नव्हे तर ज्या विश्वासाने कुडतरीच्या लोकांनी निवडून दिले त्या तमाम कुडतरकरांचा विश्वासघात केला आहे. त्यामुळे यावेळी त्यांना कुडतरीचे मतदार धडा शिकवतील असा दावा कुडतरी काँग्रेसने (Congress) आयोजित केलेल्या जाहीर सभेत केला. लोक त्यांचे डिपॉझिट जप्त करतील असे यावेळी सांगितले.

रेजिनाल्ड (Alex Reginald Lawrence) हे गोव्याचे आणि कुडतरीचे भले करण्यासाठी नव्हे तर स्वतःच्या स्वार्थासाठी तृणमुलमध्ये गेल्याचा आरोप करून लोकांनी यावेळी त्याना घरी पाठवावे असे आवाहन खासदार फ्रान्सिस सार्दीन (Francisco Sardinha) यांनी केला.

गोव्याचे प्रभारी दिनेश राव यांनी आलेक्स रेजिनाल्ड यांनी सतत पक्षाच्या विरोधात काम केले. जिल्हा पंचायत निवडणुकीत त्यांनी दोन्ही उमेदवार पाडण्याचा प्रयत्न केला असा आरोप करून त्यांनी फक्त स्वतःचा स्वार्थच पहिला असा आरोप केला. रेजिनाल्ड यांनी यावेळी फक्त स्वतःला पावणीवर काढले.