म्हापसा Goa Assembly 2022 : भाजप नेत्यांची राष्ट्र आणि धर्मावरची निष्ठा संपुष्टात आली असून, मूळ भाजप कार्यकर्त्यांनी पक्षत्याग करून शिवसेनेसारख्या (Shivsena) कट्टर राष्ट्रीयत्व जपणाऱ्या हिंदुत्ववादी पक्षात यावे.

आमचा पक्ष खुल्या दिलाने स्वागत करून त्यांना यथोचित मानसन्मान देणार, असे आवाहन शिवसेना गोवा राज्य प्रमुख जितेश कामत (Jitesh Kamat) यांनी केले आहे. कामत पुढे म्हणाले, गोव्यातील असंख्य हिंदुत्ववादी कार्यकर्त्यांना आता शिवसेना हा एकच पर्याय शिल्लक आहे. भाजपमधील (BJP) हिंदुत्ववादी कार्यकर्त्यांना आज अपमानास्पद वागणूक मिळत आहे. गोव्यातील (Goa) भाजप नेतृत्व फक्त सत्तेसाठी हपापले आहे.