Dharmesh Saglani and Pramod Sawant Political Fight in Goa Election Dainik Gomantak
गोवा निवडणूक

साखळीत मुख्यमंत्र्यांची हॅटट्रिक’ की सगलानींचा ‘चमत्कार’?

कोण होणार अधिपती? साखळीत भाजप-काँग्रेसमध्ये ‘कांटे की टक्कर’

Tukaram Sawant

डिचोली : मुख्यमंत्री डॉ. प्रमोद सावंत यांचे राजकीय भवितव्य अवलंबून असलेल्या साखळी मतदारसंघात यावेळी भाजप-काँग्रेसमध्ये ‘कांटे की टक्कर’ झाल्याचा अंदाज आहे. या टक्करीत जीत कोणाची होते आणि साखळीचा अधिपती कोण, याकडे संपूर्ण राज्याचे लक्ष लागून राहिले आहे. (Dharmesh Saglani and Pramod Sawant Political Fight in Goa Election News Updates)

या मतदारसंघात अत्यंत अटीतटीची लढत झाली असून, मुख्यमंत्री डॉ. प्रमोद सावंत यांना यावेळी धोका असल्याचा अंदाज काही राजकीय निरीक्षक व्यक्त करीत आहेत. तर मुख्यमंत्री डॉ. सावंत यावेळी विजयी ''हॅटट्रिक'' करणार असल्याचा दावा भाजपकडून करण्यात येत आहे. त्यामुळे सर्वांचे लक्ष आता 10 मार्च रोजी होणाऱ्या मतमोजणीकडे लागले आहे. या मतदारसंघातून तब्बल 12 उमेदवारांनी निवडणूक लढवली असली तरी मुख्यमंत्री डॉ. प्रमोद सावंत यांना काँग्रेसचे (Congress) धर्मेश सगलानी यांनी अक्षरशः घाम काढताना त्यांच्यासमोर मोठे आव्हान निर्माण केले आहे. या मतदारसंघातील ‘अर्थपूर्ण’ प्रचारासह ‘सायलंट’ मतदानही निर्णायक ठरणार आहे.

विजयी उमेदवाराला जेमतेम आघाडी

यावेळी साखळी मतदारसंघात 89.64 टक्के मतदान झाले. पालिका क्षेत्रासह ग्रामीण भागातही उत्स्फूर्तपणे मतदान झाले आहे. एकूण 27 हजार 961 पैकी 25 हजार 24 मतदारांनी मतदानाचा हक्क बजावला. 12 हजार 313 पुरुष तर 12 हजार 711 महिला मतदारांनी मतदान केले. साखळीत झालेल्या मतदानाची टक्केवारी पाहता डॉ. प्रमोद सावंत आणि धर्मेश सगलानी (Dharmesh Saglani) या दोघांनाही निवडून येण्याची समान संधी असून, विजयी उमेदवाराला जेमतेम आघाडी मिळणार असल्याचा अंदाज वर्तविण्यात येत आहे. तशी चर्चाही मतदारसंघात सुरू आहे.

विजयाचे दावे-प्रतिदावे

मुख्यमंत्री डॉ. सावंत हे निवडून येणारच, असा भाजप (BJP) कार्यकर्त्यांचा दावा आहे, तर दुसऱ्या बाजूने काँग्रेसचे धर्मेश सगलानी यांचा यावेळी चमत्कार पाहावयास मिळेल, असा दावा काँग्रेस कार्यकर्ते करीत आहेत. कोणी काहीही आणि कितीही अंदाज बांधू देत, की चर्चा काहीही असू दे, मुख्यमंत्री डॉ. सावंत यांचा विजय निश्चित आहे. ते यावेळी विजयी ''हॅटट्रिक'' करतील, असा विश्वास जिल्हा पंचायत सदस्य गोपाळ सुर्लकर यांनी व्यक्त केला आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

CM Pramod Sawant: 'आमच्या मंत्रिमंडळात तीन ओबीसी मंत्री...', राष्ट्रीय ओबीसी महासंघाच्या अधिवेशनात मुख्यमंत्री सावंतांचं वक्तव्य

ऐन चतुर्थीच्या तोंडावर असोला नारळ महागला, लोकांमध्ये चिंता; Watch Video

Goa Assembly Session: गोव्यात लवकरच सहकारी संस्थांसाठी ‘नवा कायदा’ , महाराष्ट्रातील MOFAच्या धर्तीवर सावंत सरकारचा मोठा निर्णय!

Goa Agriculture: काजू बागायतीत भाजीपाला, फळाफुलांचा मळा; पार्सेतील शेतकरी दाम्पत्याचा अभिनव प्रयोग

Goa Assembly Live: भोम सरपंचाची उचलबांगडी, एक विरूद्द ६ मतांनी ठराव मंजूर

SCROLL FOR NEXT