गोवा विधानसभेची सार्वत्रिक निवडणूक सध्या सुरू आहे, तर लवकरच निकाल हाती येणार आहेत. गोव्याचे मुख्यमंत्री प्रमोद सावंत (CM Pramod Sawant) 26 फेब्रुवारीला शनिशिंगणापूरला (Shani Shingnapur) येऊन गेले आहेत. त्यांच्या पाठोपाठ गोव्याचे उपमुख्यमंत्री मनोहर आजगावकर (Manohar Ajgaonkar) सुद्धा शनी दर्शनाला आले होते. त्यामुळे भाजपचे (BJP) गोव्यातील शिर्ष नेते शनीचे दर्शन का घेत आहेत यावर उलटसुलट चर्चा रंगवली जात आहे. गोवा विधानसभा निवडणुकीचा (Goa Assembly Election 2022) निकाल गुरुवारी 10 तारखेला जाहीर होणार आहे. (Deputy Chief Minister Manohar Ajgaonkar had gone to Shani Shingnapur for Dev Darshan)

उपमुख्यमंत्री आजगावकर त्यांच्या पत्नी मेघा, बंधू डॉ. श्रीकांत व रश्मी राजेंद्र आजगावकर यांनी 4 तारखेला शनिशिंगणापुरला भेट देवून उदासी महाराज मठात शांतीपाठ आणि संकल्प सोडला. चौथऱ्यावरती तेल अभिषेक करुन स्वयंभू शनिमूर्तीचे दर्शन घेतले. देवस्थानचे विश्वस्त आप्पासाहेब शेटे व बाळासाहेब बन्सी बोरुडे यांनी त्यांचा शाल, श्रीफळ व प्रसाद देवून आदरातिथ्य सन्मान केला.

त्यावेळी आजगावकर म्हणाले की, गोवा राज्याच्या निवडणुकीत कुठलीच चुरस नव्हती. भाजपचे काम आणि ध्येयधोरणे लक्षात घेता 10 मार्चच्या निकालात गुलाल आमचाच उडणार, असा विश्वास गोव्याचे उपमुख्यमंत्री मनोहर आजगावकर यांनी व्यक्त केला.

पुढे म्हणाले, गोवा निवडणुकीत भाजपला 17 ते 19 जागा मिळतील. मित्र पक्षासह आमचाच मुख्यमंत्री होणार ही काळ्या दगडावरील रेघ, असे सांगून त्यांनी इतर पक्षाने खुप लुडबुड करत आरोपांचा भडिमार केला मात्र गोव्यातील जनता सुज्ञ आहे आणि आमच्या नव्हे तर विरोधकांच्या झोपा उडाल्या आहेत.

महाराष्ट्रात (Maharashtra) एकेका मंत्र्यांचा पंचनामा होत असताना महाविकास आघाडी () मुग गिळून गप्प का? असा प्रश्न उपस्थित करुन केंद्रीय तपास यंत्रणा उगाच कुणाला त्रास देत नाही, 'जैसी करणी वैसी भरणी' त्यानुसार महाविकास आघाडीचे मंत्री अडकत आहेत. असे असताना त्यांची चाललेली फुशारकी चुकीची आहे, असे त्यांनी म्हटले आहे.