भाजप पक्षाचे दोन वेळा वास्को मतदार (Vasco Constituency) संघातून आमदार राहिलेले कार्लुस आल्मेदा (Carlus Almeda) यांनी आज आपल्या सहकाऱ्यांसह काँग्रेसमध्ये प्रवेश केला. काल त्यांनी आमदारकी आणि भाजपचा (BJP) राजीनामा दिला.

कॉंग्रेसचे (Congress) गोवा डेस्क प्रभारी दिनेश गुंडू राव, कॉंग्रेस अध्यक्ष गिरीश चोडणकर (Girish Chodankar) आणि पक्षाच्या इतर वरिष्ठ नेत्यांच्या उपस्थितीत त्यांनी कॉंग्रेस पक्षात प्रवेश केला. त्यांच्यासह मुरगाव येथील अनेक नगरसेवकांनीही पक्षात प्रवेश केला. आपल्या समर्थकांशी व्यापक चर्चा केल्यानंतर हा निर्णय घेण्यात आल्याचे कार्लोस यांनी सांगितले. कृष्णा आलिया, दाजी साळकर यांनी 30 नोव्हेंबर रोजी भाजपमध्ये प्रवेश केल्याने पक्ष सोडण्याच्या त्यांच्या निर्णयाला चालना मिळाली. आणि काल अल्मेडा यांनी आमदारकीचा आणि भाजपच्या (BJP) प्राथमिक सदस्यपदाला रामराम ठोकला.