AAP: चंदीगढ-पंजाब येथे महापालिका मंडळाच्या निवडणुकीत आम आदमी पक्षाने 35 पैकी 14 जागा जिंकल्याने राज्यातील आम आदमी पक्षाच्या गोवा राज्य कार्यकारिणी समितीतर्फे हा विजय साजरा करीत ‘आप’चा (AAP) हा विजय फक्त ट्रेलर आहे. गोव्यातही परिवर्तन होणार असल्याचा दावा नेत्यांनी पत्रकार परिषदेत केला. आपचे नेते राहुल म्हांबरे (Rahul Mhambare), वाल्मिकी नाईक, ॲड. सुरेल तिळवे, आदींनी पणजी येथील महालक्ष्मी मंदिरात जाऊन देवीचे दर्शन घेतले. भाजपला (BJP) जनता कंटाळलेली असून, कॉंग्रेस (Congress) फक्त भाजपला मदत करण्यासाठी वावरत असल्याची टिकाही ‘आप’ने केली.

पंजाब निवडणुकीपूर्वी (Punjab Elections) अरविंद केजरीवाल (Arvind Kejariwal) यांच्या आम आदमी पार्टीने चंदीगढमध्ये शानदार पदार्पण केले. शहर महापालिका निवडणुकीत सर्वाधिक जागा जिंकल्या आणि भाजपला (BJP) दुसऱ्या स्थानावर ढकलले. अरविंद केजरीवाल म्हणाले की, चंदीगढचा निकाल पंजाबमध्ये बदलाचे संकेत देतो, जे नवीन सरकारसाठी पुढच्या वर्षी मतदान करते. ‘आप’ने 35 पैकी 14 नगरपालिका जागा जिंकल्या, तर भाजप 12 जागांवर पिछाडीवर आहे.

काँग्रेसने आठ जागा जिंकल्या आणि अकाली दल एका जागेवर कायम राहिला. पंजाब आणि हरियाणाची राजधानी चंदीगढमध्ये शुक्रवारी निवडणूक पार पडली. पंजाब निवडणुकीसाठी दिल्लीचे मुख्यमंत्री अरविंद केजरीवाल हे सध्या आक्रमक प्रचार करत आहेत. चंदीगढ निवडणुकीचा हा ट्रेलर म्हणून पहिला जात आहे. पंजाबमधील या निकालामुळे भाजपला मोठा धक्का बसला आहे. त्यांचे महापौर रविकांत शर्मा आणि माजी महापौर दवेश मौदगील या दोघांचाही आपच्या उमेदवारांकडून पराभव झाला.

दर पाच वर्षांनी होणाऱ्या चंदीगढ नागरी निवडणुकांमध्ये भाजप आणि काँग्रेस यांच्यात सरळ स्पर्धा असते. ‘आप’च्या प्रवेशाने ते बदलले आहे. पदार्पणातच ‘आप’ने 40 टक्के जागा जिंकल्या आहेत. भाजपचा वाटा 43 टक्क्यांवर घसरला आहे.