World Elephant Day: 12 ऑगस्ट हा दरवर्षी आतंरराष्ट्रीय हत्ती दिवस म्हणून साजरा करतात. हत्तींचे संवर्धन आणि सुरक्षेबद्दल जागरुकता निर्माण करण्यासाठी हा दिवस साजरा करतात.

हत्तींची शिकार, हत्ती आणि मानव यांच्यातील संघर्ष, त्यांचा अधिवास नष्ट होणे आणि हत्तींचा आशिय़ा आणि अफ्रिकेतील संघर्षाबद्दल जनसामान्यांच्यामध्ये जागरुकता निर्माण व्हावी यासाठी हा दिवस साजरा करतात.

• पहिल्यांदा कधी साजरा केला हत्ती दिवस?

थायलंडच्या एलिफंट रीइंट्रोडक्शन फाउंडेशन आणि कॅनेडियन चित्रपट निर्माते पॅट्रिशिया सिम्स आणि मायकेल क्लार्क यांनी एकत्र येत 2012 मध्ये प्रथम जागतिक हत्ती दिन सुरू केला. सांस्कृतिक आणि पर्यावरणीय महत्त्व असलेल्या प्रतिष्ठित आशियाई हत्तीचा सन्मान करण्यासाठी 12 ऑगस्ट ही तारीख निवडण्यात आली होती.

हा दिवस संस्था, सरकार आणि व्यक्तींना एकत्र येण्यासाठी, ज्ञानाची देवाणघेवाण करण्यासाठी आणि हत्ती आणि त्यांच्या अधिवासाचे रक्षण करण्याच्या उद्देशाने पुढाकार घेण्याचे व्यासपीठ तयार करतो.

2023 च्या जागतिक हत्ती दिवसाची थीम “Ending the Illegal Wildlife Trade". म्हणजेच बेकायदेशीरपणे वन्यजीवांच्या होणारा व्यापारावर बंदी अशी ठेवण्यात आला आहे. बेकायदेशीर व्यापारमुळे दरवर्षी 20000 हजारापेक्षा जास्त हत्ती मारले जातात.

• अशा प्रकारे साजरा करा जागतिक हत्ती दिन

1. हत्तींसमोरील आव्हानांबद्दल अधिक जाणून घ्या.

2. हत्तींच्या संवर्धनाला मदत करणाऱ्या उपक्रमांमध्ये सहभागी व्हा.

3. हत्तींच्या संरक्षणासाठी काम करणाऱ्या संस्थांना मदत करा.

हत्तींविषयी आणखी जागरुकता निर्माण करण्यासाठी सोशल मिडियाचादेखील प्रभावीपणे वापर करु शकता. प्राणी आणि मानव निसर्गातील महत्वाचे घटक असल्याने या दोन्हींचे अस्तित्व गरजेचे आहे.

त्यामुळे मानव-प्राणी हा संघर्ष अटळ असला तरीही विविध उपययोजनांद्वारे मानव प्राण्यांचे संवर्धन आणि संरक्षण करु शकतो आणि प्राण्यांचा अधिवास टिकवण्यासाठी मदत करु शकतो. अलिकडे प्राण्यांची दिवसेंदिवस कमी होत जाणारी संख्या चिंताजनक असल्याने प्राण्यांविषयी जागरुकता निर्माण करण्यासाठी आंतरराष्ट्रीय स्तरावर प्राण्यांचे संवर्धन करण्यासाठी प्रयत्व केले जात आहेत.