उत्तर कोरियाचे (North Korea) माजी हुकूमशहा किम जोंग-इल यांच्या 10व्या पुण्यतिथीनिमित्त देशात शुक्रवारपासून शोक काळ पाळण्यात येणार आहे. परिणामी, देशवासियांना हसणे, मद्यपान व खरेदी करण्यावर बंदी घातली आहे.

रेडिओ फ्री एशियाने दिलेल्या माहितीनुसार, या कालावधीत रहिवासी किराणा खरेदीसाठी जाऊ शकत नाहीत. नियमांचे पालन न करणाऱ्या नागरिकांना (Citizens) अटक (Arrest) केली जाईल. "पूर्वी, शोक काळात मद्यपान करताना किंवा नशा करताना पकडलेल्या अनेक लोकांना अटक करण्यात आली होती व गुन्हेगार म्हणून वागणूक दिली गेली होती," असे अज्ञात नागरिक म्हणाले.

ते पुढे म्हणाले, "यंदा किम जोंग-इल यांची 10वी पुण्यतिथी असल्याने हा शोक काळ 11 दिवस चालणार आहे. साधारणपणे, दरवर्षी 10 दिवसांचा शोक पाळला जातो. तुमच्या कुटुंबातील सदस्याचा शोक काळात मृत्यू झाला तरीही, तुम्हाला मोठ्याने रडण्याची परवानगी नाही. शोक कालावधीत लोक स्वतःचा वाढदिवस (Birthday) देखील साजरा करू शकत नाहीत."

किम जोंग इल यांचे 17 डिसेंबर 2011 रोजी वयाच्या 69 व्या वर्षी हृदयविकाराच्या झटक्याने निधन झाले होते. दरवर्षी किम जोंग उन (Kim Jong-un) आपल्या वडिलांच्या स्मृतीस्थळी आदरांजली अर्पण करतो. मात्र, यावर्षी राज्य माध्यमांनी किम बाबत कोणतेही वृत्त दिले नाही.