What Is Israel Arrow-3 Used First Time Against Houthi Rebels: इस्रायल आणि हमास यांच्यातील युद्ध सुरु होऊन एक महिन्याहून अधिक काळ लोटला आहे. या युद्धात लहान मुलांसह हजारो लोकांचा मृत्यू झाला आहे.
दरम्यान, इस्रायलने शुक्रवारी दावा केला की, त्यांनी इराण-समर्थित हौथी बंडखोरांविरुद्ध आपले नवीन शस्त्र एरो-3 क्षेपणास्त्र इंटरसेप्टर वापरले आहे. इस्त्रायलने सांगितले की, गुरुवारी संध्याकाळी एरो-3 यशस्वीरित्या ऑपरेट करण्यात आले. त्यामुळे लाल समुद्र परिसरात इस्रायलच्या दिशेने सुरु झालेले हलले प्रभावीपणे रोखण्यात आले.
इस्रायल डिफेन्स फोर्सेसचे प्रवक्ते ब्रिगेडियर जनरल डॅनियल हगरी यांनी सांगितले की, एरो-3 इंटरसेप्टर प्रक्षेपित करण्यात आले, त्याने लाल समुद्रातून इस्रायलला (Israel) येमेनपासून धोका असलेल्या टार्गेटला यशस्वीरित्या रोखले आणि नष्ट केले. इस्रायलने 2017 मध्ये पहिल्यांदा एरो 3 इंटरसेप्टर हायपरसॉनिक बॅलिस्टिक क्षेपणास्त्र कार्यरत केले होते.
दरम्यान, ही एक प्राणघातक लांब पल्ल्याची हवाई संरक्षण प्रणाली आहे जी 100 किमी (62 मैल) पेक्षा जास्त उंचीवर आणि क्षेपणास्त्रांना रोखण्यास सक्षम आहे. एरो 3 हा इस्रायलच्या एरो शस्त्र प्रणालीचा (AWS) भाग असून जी एक स्वतंत्र अँटी-टॅक्टिकल बॅलिस्टिक क्षेपणास्त्र संरक्षण प्रणाली आहे.
देशाच्या बहु-स्तरीय संरक्षण क्षेपणास्त्रांचा हा एक महत्त्वाचा भाग आहे. ज्यामध्ये एरो 2, डेव्हिड स्लिंग आणि आयरन डोम सक्रिय संरक्षण प्रणाली देखील समाविष्ट आहे, जी 2017 मध्ये इस्रायली हवाई दलात समाविष्ट करण्यात आली. हे क्षेपणास्त्र (Missile) अमेरिका आणि इस्रायलने संयुक्तपणे विकसित केले आहे.
दुसरीकडे, गुरुवारी संध्याकाळी दक्षिणेकडील पॅट्रियट क्षेपणास्त्र इंटरसेप्टर बॅटरीने इस्रायली प्रदेशात प्रवेश करण्यापूर्वी आणखी एक संशयित टार्गेट रोखल्याचे आयडीएफने सांगितले. युद्धादरम्यान येमेनमधून वारंवार क्षेपणास्त्र आणि ड्रोन हल्ल्यांनंतर इस्रायलने लाल समुद्रात आपली हालचाल वाढवली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.