USA: अमेरीकेतील मिशिगन शहरातून एक धाडसी घटना समोर आली आहे. आठ वर्षीय बहिणीचे अपहरण करण्यासाठी आलेल्या एका टपोरी मुलाला 13 वर्षीय भावाने अद्दल शिकवली आहे. एवढेच नव्हे तर त्यांने गलोलचा वापर करत त्यांच्यावर हल्ला केला आणि बहिणीची सुटका केली. बुधवारी ही घटना घडली.
असोसिएटेड प्रेस (AP) ने दिलेल्या वृत्तानुसार, मिशिगन येथील अल्पेना शहरात 17 वर्षाय एक टपोरी मुलगा आठ वर्षीय मुलीचे अपहरण करण्यासाठी आला मुलीला पकडून त्याने मुलीचे तोंड दाबत तिला घट्ट पकडले. दरम्यान, हा सगळा प्रकार मुलीच्या भावाने पाहता त्याने गलोलचा वापर करत हल्लेखोरावर मारा केला. यात हल्लेखोर जखमी झाला.
या धाडसी भावाने सुरूवातीला हल्लेखोरांच्या छातीवर आणि तोंडावर मारा केला. यामुळे हल्लेखोराने मुलीला सोडले व तिची त्याच्या तावडातून सुटका झाली.
दरम्यान, पोलिसांनी 17 वर्षीय हल्लेखोर मुलाला अटक केली असून, त्याच्या विरोधात अपहरण, हल्ला करून इजा पोहोचवणे यासारख्या कलमाखाली गुन्हा नोंद केला आहे. पोलिसांनी मुलाचे नाव गुप्त ठेवले आहे.
हल्लेखोर मुलगा शेजारीच राहत असल्याची देखील माहिती समोर आली असून, या घटनेत त्याच्या शरिरावर काही जखमा देखील झाल्या आहेत. पोलिसांनी त्याला ताब्यात घेतले असून, अधिक तपास सुरू आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.