FAST5 Grand Prize: UAE मध्ये राहणाऱ्या एका भारतीय तरुणाने एक खास लकी ड्रॉ जिंकला आहे. मूळचे लखनऊचा (Lucknow) असलेला मोहम्मद आदिल खान (Adil Khan) पहिल्या FAST5 ग्रँड प्राइझचा मानकरी ठरला आहे.

त्याने मिळवलेले प्राइझ साधे सुधे नसून एकदम खास आहे. कारण त्याला इथून पुढील 25 वर्षे दरमहा 25000 दिरहम अंदाजे 5.5 लाख भारतीय रुपये मिळणार आहेत.

हा लकी ड्रॉ जिंकल्यानंतर आदिल म्हणाला, "मी पहिल्यांदाच एखाद्या लकी ड्रॉचे तिकीट घेतले होते. आणि मला पहिल्याच प्रयत्नात बक्षीस मिळाले.

आता मला कुटुंबासाठी मोठे घर खरेदी करायचे आहे. यासोबतच इतर गुंतवणुकीच्या संधीही शोधायच्या आहेत.

लकी ड्रॉ तिकिट घेण्याचा माझा कोणताही विचार नव्हता. सोशल मीडियाच्या वापरादरम्यान एक जाहिरात दिसली. आणि मग ते तिकिट ऑनलाइन खरेदी केले."

आदिलने आयुष्यात पहिल्यांदाच असे काहीतरी जिंकले आहे. तो म्हणाला, 'उर्वरित लकी ड्रॉमध्ये आम्हाला एकरकमी बक्षीस रक्कम मिळते. पण हे बक्षिस खूप खास आहे.

हे माझे दर महिन्याचे दुसरे उत्पन्न असेल, जे मला चांगली गुंतवणूक करण्याची संधी देईल. दुबईत कुटुंबासह राहण्याची इच्छा असल्याचेही त्यांनी सांगितले.

आपल्या भावाचा कोविडमुळे मृत्यू झाल्यानंतर कुटुंबातील एकमेव कमावणारा आदिल म्हणतो की त्याला त्याच्या संपूर्ण कुटुंबाला यूएईमध्ये आणायचे आहे. तसेच आपल्या पुतण्यांना येथील शाळांमध्ये प्रवेश घ्यायचा आहे.