Sachin From Mumbai On 45 cr Lottery In UAE:

UAE मध्ये राहणार्‍या एका ४७ वर्षीय भारतीय व्यक्तीने तब्बल 45 कोटींची लॉटरी जिंकली आहे.टेक्निशियन असलेल्या सचिन यांनी 139व्या महजूज सुपर सॅटर्डे लॉटरीचे प्रथक क्रमांकाचे पारितोषिक जिंकले आहे.

या साप्ताहिक सोडतीत त्यांना 20 दशलक्ष दिरहम (सुमारे 45 कोटी रुपये) मिळाले आहेत. दुसरीकडे आणखी एका भारतीय व्यक्तीनेही 10 लाख दिरहमचे बक्षीस जिंकले आहे. यानंतर या ड्रॉद्वारे यूएईमध्ये करोडपतीचा दर्जा मिळवणाऱ्या भारतीयांची संख्या २० झाली आहे.

सचिन हे मूळचे मुंबईचा आहे. ते पत्नी आणि तीन मुलांसह 25 वर्षांपासून दुबईत राहत आहेत. ड्रॉ जिंकल्यानंतर त्यांनी सांगितले की, मी दर आठवड्याला या लॉटरीमध्ये सहभागी होत होतो.

मला नेहमी अपेक्षा असायची की मी कधीतरी ही लॉटरी जिंकेन. आता हा विजय माझे आणि माझ्या कुटुंबाचे आयुष्य बदलून टाकेल.

यासोबतच दुबईमध्ये नोकरीस असणारा आणखी एक भारतीय व्यक्ती गौतम यांनीही सोडतीतून 10 लाख दिरहम (सुमारे 2.25 कोटी रुपये) बक्षीस जिंकले आहे.

मिळालेल्या माहितीनुसार, गौतम यांना शनिवारी एका ईमेलद्वारे त्याच्या विजयाची माहिती मिळाली.

गौतम यांनी सांगिले की, जेव्हा त्यांना हे समजले तेव्हा त्यांना खूप आनंद झाला. त्यांनी सांगितले की ते चार वर्षांपूर्वी यूएईमध्ये नोकरीसाठी गेले.

आपल्या विजयाने आनंदीत झालेल्या गौतम यांनी सांगितले की, जिंकलेल्या पैशातून ते त्यांच्या गावी घर बांधणार आहेत.