Crime News  Dainik Gomantak
ग्लोबल

Shooting at Mexico City: मेक्सिको सिटीत बाईक रॅलीदरम्यान गोळीबार, तिघांचा मृत्यू; आरोपी गजाआड

America Crime: अमेरिकेतील मेक्सिको सिटीमध्ये शनिवारी झालेल्या बाईक रॅलीत तीन जणांचा मृत्यू झाला आहे.

Manish Jadhav

Shooting at Mexico City: अमेरिकेतील मेक्सिको सिटीमध्ये शनिवारी झालेल्या बाईक रॅलीत तीन जणांचा मृत्यू झाला आहे. तर पाच जण जखमी झाले आहेत.

महापौर म्हणाले की, बाईक रॅलीदरम्यान गोळीबार झाला, ज्यामध्ये तीन जणांचा मृत्यू झाला, तर पाच जण जखमी झाले. ही घटना मेक्सिकोच्या रेड रिव्हर भागातील आहे.

जखमींना उपचारासाठी रुग्णालयात पाठवले

न्यू मेक्सिको पोलिसांनी (Police) सांगितले की, एका जखमी व्यक्तीला उपचारासाठी डेन्व्हरला विमानाने नेण्यात आले आहे. मुख्य रस्त्यावरील बाइक रॅलीत हजारो लोक सामील झाले. येथे हल्लेखोरांनी गोळीबार केला.

जखमींना ताओस येथील होली क्रॉस हॉस्पिटल आणि न्यू मेक्सिको विद्यापीठ, अल्बुकर्क येथे उपचारासाठी नेण्यात आले.

बाईक रॅलीतील सदस्यांनीच गोळीबार केला

महापौर लिंडा काल्होन यांनी सांगितले की, गोळीबारात सहभागी असलेल्या सर्व हल्लेखोरांना ताब्यात घेण्यात आले आहे. सर्व आरोपी बाईक रॅलीमध्येच सहभागी होते. घटनास्थळासह संपूर्ण परिसर पोलिसांच्या निगराणीखाली आहे.

घटनास्थळाजवळ कोणालाही जाण्यास बंदी घालण्यात आली आहे. या प्रकरणाचा तपास सुरु आहे. तपास पूर्ण होईपर्यंत मुख्य रस्त्यासह परिसरातून लोकांना येण्यास बंदी घालण्यात आली आहे.

गोळीबारानंतर परिसरात संचारबंदी लागू करण्यात आली आहे. आदेशानुसार, या परिसरातील बार, दारुची दुकाने आणि इतर आस्थापनांना कर्फ्यू दरम्यान दारु विक्री करता येणार नाही.

काही दिवसांपूर्वी न्यू मेक्सिकोच्या फार्मिंग्टनमध्ये गोळीबार

काही दिवसांपूर्वी न्यू मेक्सिकोच्या फार्मिंग्टनमध्ये गोळीबार झाला होता. या गोळीबारात तीन जण ठार तर अनेक जण जखमी झाले होते.

चकमकीत संशयित आरोपी (Accused) जागीच ठार झाल्याची माहिती पोलिसांनी फेसबुक पोस्टद्वारे दिली.

पोलिसांनी या घटनेबाबत फेसबुक पोस्टमध्ये म्हटले होते की, स्थानिक पोलीस अधिकारी आणि न्यू मेक्सिको पोलीस अधिकाऱ्याला चकमकीत गोळ्या घालण्यात आल्या.

संशयितांची ओळख पटली नसल्याचे पोलिसांनी सांगितले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

International Purple Festival 2025: 9 ऑक्टोबरपासून पणजीत रंगणार आंतरराष्ट्रीय पर्पल फेस्टिव्हल, नोंदणी अनिवार्य; जाणून घ्या स्थळ, थीम आणि प्रमुख आकर्षणे

Viral Video: स्टाईल मारत रील बनवणाऱ्या कपलचा जीवावर बेतणारा थरार व्हायरल, नेटकऱ्यांनी घेतली शाळा; म्हणाले, 'लो भाई हो गया कांड'!

Goa Crime: पणजीत खळबळ! बसस्थानकाजवळ आढळला छत्तीसगडच्या 22 वर्षीय तरुणीचा मृतदेह; परिसरात भीतीचे वातावरण

AUS W vs PAK W: भारतीय वंशाच्या अलाना किंगची कमाल, पाकिस्तानविरुद्धच्या सामन्यात रचला नवा इतिहास; मोडला 22 वर्ष जुना रेकॉर्ड

IND U19 vs AUS U19: 18 षटकार, 257 धावा! 14 वर्षीय 'वैभव' सूर्यवंशीचं ऑस्ट्रेलियात वादळ; युथ टेस्ट आणि वनडेत केला मोठा धमाका

SCROLL FOR NEXT