अमेरिकेतील टेक्सास शहरात अमेरिकेला हादरा देणारी एक घटना घडली आहे. या घटनेत 18 वर्षीय तरुणाने शाळेत घुसून गोळीबार केल्याची धक्कादायक घटना घडली आहे. या गोळीबारात 18 मुलांसह एकूण 21 जणांचा मृत्यू झाला आहे. यावेळी पोलीसांनी प्रतिकार करत हल्लेखोरोला केलेल्या गोळीबार माथेफिरून तरुणाचा मृत्यू झाला आहे. (The school shooting in Texas is a genocide - Joe Biden )

या घटनेच्या पार्श्वभूमीवर अमेरिकेचे राष्ट्राध्यक्ष जो बायडन यांनी ही घटना म्हणजे, हत्याकांड असल्याचं म्हटलं आहे. तसेच ते म्हणाले कि, राष्ट्रपती झाल्यानंतर असं भाषण करावं लागेल असं कधीच वाटलं नव्हतं. या घटनेत ज्यांच्या मुलांचा मृत्यू झाला. त्या सर्व कुटुंबांप्रती त्यांनी शोक व्यक्त केला. तसेच अमेरिकेत वाढत असलेल्या शाळांवरील हल्ल्यांबाबत या घटनांवर पुन्हा गांभिर्याने विचार करण्याची गरज असल्याचं ही ते यावेळी म्हणाले.

तसेच या घटनेबाबत बोलताना बायडन म्हणाले कि, सर्व पालक आणि जनतेला आवाहन करतो की, ही वेळ काहीतरी करण्याची आहे. आपण हे सहज विसरु शकत नाही. यासंदर्भात आपल्याला ठोस पावलं उचलत कृती करण्याची गरज आहे. तसेच वाढत असलेला बंदुकांचा बाजार याबाबत चिंता व्यक्ती केली. आणि आपण कधी अशा कृतींविरोधात ठोस पावले उचलण्याची ही गरज असल्याचं ही ते यावेळी म्हणाले.

जो बायडन म्हणाले की, हे सर्व निष्पाप चिमुकल्यांसोबत घडलं आहे. ही मुलं तिसरी आणि चौथीच्या वर्गात होती. यातील अनेक मुलांनी त्यांच्या मित्र-मैत्रिणींना प्राण गमावताना पाहिलं आहे. दुर्दैवं म्हणजे, असे बरेच पालक आहेत, जे आपल्या मुलांना पुन्हा कधीही पाहू शकणार नाहीत. मूल गमावणं म्हणजे तुमच्या शरीराचा एक भाग काढून टाकण्यासारखं आहे.