The Kremlin, the official residence of Russia's president, has denied claims that President Vladimir Putin is dead:

रशियाच्या अध्यक्षांचे सरकारी निवासस्थान असलेल्या क्रेमलिनने अध्यक्ष व्लादिमीर पुतिन यांच्या मृत्यूचे दावे फेटाळले आहेत.

पुतीन यांच्या मृत्यूच्या वृत्तावर प्रतिक्रिया देताना क्रेमलिनने पुतीन यांचा मृत्यू झाला नसल्याचे सांगितले आहे. ते पूर्वी होते तसेच आजही आहेत. नुकतेच काही प्रसार माध्यमांनी दावा केला होता की, वालदाई पॅलेसमध्ये ७१ वर्षीय पुतिन यांचे निधन झाले आहे.

पुतिन यांचा मृत्यू झाल्याचा दावा पहिल्यांदा एका टेलिग्राम चॅनलवर करण्यात आला होता. पुतिन यांचे मॉस्कोच्या उत्तरेकडील वलदाई पॅलेसमध्ये निधन झाल्याचे दावे करण्यात आले होते.

जनरल SVR टेलिग्राम चॅनलवर एक मेसेज प्रसिद्ध झाला होता. त्याममध्ये असे म्हटले होते की, "लक्ष द्या! रशियामध्ये सध्या सत्तापालटाचा प्रयत्न सुरू आहे. रशियाचे राष्ट्राध्यक्ष व्लादिमीर पुतिन यांच्या मृत्यूला डॉक्टरांनी दुजोरा दिला आहे."

जनरल SVR अहवालात असा दावा करण्यात आला आहे की, "पुतिन यांच्या मृतदेहासह खोलीत असलेल्या डॉक्टरांना दिमित्री कोचेनेव्ह यांच्या वैयक्तिक आदेशानुसार राष्ट्रपती सुरक्षा सेवेच्या सदस्यांनी रोखून धरले आहे.

दुसरीकडे, या वृत्ताचा इन्कार करत पुतिन यांचे प्रवक्ते दिमित्री पेस्कोव्ह यांनी सरकारी मीडिया आरआयए नोवोस्तीला सांगितले की, हा अहवाल केवळ अफवा आहे.

काही दिवसांपूर्वी पेस्कोव्ह यांना पुतिन यांना हृदयविकाराचा झटका आल्याचा दावा करणाऱ्या अफवांचे खंडन करावे लागले होते. पुतिन यांच्या बॉडी डबलची अफवाही त्यांनी पूर्णपणे फेटाळून लावली.

बॉडी डबलच्या दाव्यांवर पुतिनचे प्रवक्ते पेस्कोव्ह म्हणाले की, तुम्ही ऐकले असेल की, पुतिन यांच्याकडे अनेक बॉडी डबल्स आहेत, जे बंकरमध्ये त्यांच्या जागी काम करतात. हे देखील पूर्णपणे निराधार आहे, आमचे राष्ट्रपती पूर्वीसारखेच आहेत. ते 'मेगा एक्टिव्ह' आहेत.

जनरल SVR म्हणजे काय?

जनरल SVR एक वादग्रस्त चॅनल आहे, जे कथितपणे माजी क्रेमलिन लेफ्टनंट जनरल व्हिक्टर मिखाइलोविच चालवत आहेत.

जनरल एसव्हीआर यांनी त्यांच्या अहवालात पुतिन यांना कर्करोगाने ग्रासले होते आणि ते बऱ्याच काळापासून आजारी असल्याचा दावा केला होता.

याच अहवालात पुतिन बॉडी डबल वापरतात असा दावाही करण्यात आला होता. यापूर्वी, युक्रेनचे लष्करी गुप्तचर प्रमुख लेफ्टनंट-जनरल किरिल बुडानोव्ह यांनी धक्कादायक दावा केला होता की, जून 2022 पासून खरे पुतिन दिसले नाहीत.