तालिबानने (Taliban) अफगाणिस्तानवर कब्जा केल्यानंतर आता त्यांनी सत्ता स्थापण्यास सुरुवात केली आहे. त्यातच आत तालिबानच्या प्रवक्त्याने (Zabihullah Mujahid) म्हटले की, पाकिस्तान (Pakistan) अतिरेकी गटासाठी दुसरे घर (Second Home) आहे. तसेच शेजारील देशाशी व्यापार आणि सामरिक संबंध दृढ करण्याचे वचन दिले आहे. तालिबानला भारताशी चांगले संबंध (India-Taliban) हवे आहेत. विशेष म्हणजे, पाकिस्तानच्या मंत्र्यांनी यापूर्वी मान्य केले आहे की, तालिबानी दहशतवादी इस्लामाबादमध्ये (Islamabad) राहतात ते.

पाकिस्तानस्थित अराई न्यूजला दिलेल्या मुलाखतीत मुजाहिद म्हणाले, 'अफगाणिस्तानची सीमा पाकिस्तानसोबत आहे. जेव्हा धर्माचा प्रश्न येतो तेव्हा आपण पारंपारिकपणे एकमेकांशी संबंधित असतो. दोन्ही देशांचे लोक एकमेकांशी सलंग्नित आहे. म्हणूनच आम्ही पाकिस्तानशी संबंध अधिक दृढ करण्यास उत्सुक आहोत. मुजाहिद पुढे म्हणाले की, पाकिस्तानने त्यांच्या व्यवहारात कधीही हस्तक्षेप केला नाही. विवादित मुद्दे सोडवण्यासाठी पाकिस्तान आणि भारताने एकत्र यावे. तालिबानला भारतासह सर्व देशांशी चांगले संबंध हवे आहेत.

संरक्षणमंत्र्यांनी माजी कैद्याला गुआंतानामो कारागृहात ठेवले

अफगाणिस्तानात सरकार स्थापनेबाबतच्या कयासांदरम्यान, तालिबानच्या प्रवक्त्याने सांगितले की, त्यांना असे सरकार हवे आहे जे मजबूत आणि इस्लामवर आधारित असेल. सर्व अफगाण नागरिकांनी या सरकारमध्ये सामील व्हावे. तालिबानने गुआंतानामो कारागृहात बंद असलेले माजी कैदी मुल्ला अब्दुल कय्यूम झाकीरचे (Mullah Abdul Qayyum Zakir) नाव कार्यवाह संरक्षण मंत्री म्हणून ठेवले आहे, अशी माहिती वृत्तसंस्था रॉयटर्सने बुधवारी दिली. तालिबानने अद्याप कोणत्याही नियुक्तीची औपचारिक घोषणा केलेली नाही. परंतु मुजाहिद म्हणाले की अमेरिका 31 ऑगस्ट रोजी अफगाणिस्तानातून बाहेर पडण्यापूर्वी एक सरकार असेल.

अफगाणिस्तानात तालिबानची क्रूरता सुरुच

तालिबान अफगाणिस्तानची भूमी इतर कोणत्याही देशाविरुद्ध वापरू देणार नाही, असेही मुजाहिद म्हणाले. तालिबानने युद्धग्रस्त देशात शांतता आणि सामान्य स्थिती पुनर्संचयित करून सर्व क्षेत्रांवर कब्जा केला आहे. तथापि, दोन वृत्तपत्रांनी अफगाणिस्तानमध्ये तालिबान्यांनी क्रूरता नोंदवली आहे, जे दोन दशकांनंतर सत्तेत परतले. फॉक्स न्यूजने तालिबानी लढाऊ काबुल आणि इतर ठिकाणी भटकत असलेले माजी सरकारी कर्मचाऱ्यांचा शोध घेताना एक व्हिडिओ प्रसिद्ध केला. या दरम्यान ते गोळ्याही झाडत होते.