Sri Lanka : अल्पसंख्याक तमिळ जनतेबाबत चर्चा करण्यासाठी श्रीलंकेत सर्व पक्षांची सभा घेण्यात आली होती. श्रीलंकेच्या संविधानात तमिळ समुदायाला अधिकार देण्यासाठी तेरावी घटनादुरुस्ती केली होती.

महत्वाचे म्हणजे, भारत आणि श्रीलंकेमध्ये १९८७ ला सामंजस्य करार झाला होता. त्यानुसार ही घटनादुरुस्ती केली होती. परंतु त्यानंतरही श्रीलंकेने याची अंमलबजावणी केली नाही. आजही श्रीलंकेतील अल्पसंख्याक तमिळांना त्यांचे हक्क मिळाले नसल्याने भारताने याबाबत पाठपुरावा केला होता. त्यानंतर सर्व पक्षांची बैठक भरवण्यात आली होती. या बैठकीमध्ये भाग घेणाऱ्या तमिळ राजकीय पक्षांनी श्रीलंकेच्या उत्तर आणि पूर्व भागात निवडणुका घ्याव्यात अशी मागणी केली आहे.

दरम्यान ,उत्तर विभागाचे तत्कालीन मुख्यमंत्री सी.वी.विग्नेश्वरन यांनी म्हटले आहे की, आम्ही केंद्राने अधिग्रहणाचा मुद्दा मांडला . सरकारी विभागाच्या नावावर ते जमिनी अधिग्रहन केल्या जात आहेत.असे प्रकार थांबायला हवेत आणि जमिनीसंबंधीचे अधिकार प्रांतीय परिषदांना दिले पाहिजेत. आता यानंतर श्रीलंके ( Sri Lanka )तील अल्पसंख्याक तमिळांना त्यांचे अधिकार मिळणार का आणि भारताच्या प्रयत्नांना यश मिळणार का हे पाहणे महत्वाचे ठरणार आहे.