Sri Lanka Crisis: श्रीलंकेतील राजकीय परिस्थिती खूप बिकट झाली आहे. संपूर्ण देशात आणीबाणी लागू करण्यात आली आहे. राष्ट्राध्यक्ष गोटाबाया राजपक्षे यांनी देश सोडून पळ काढल्यानंतर श्रीलंकेचे पंतप्रधान रानिल विक्रमसिंघे (Ranil Wickremesinghe) यांची हंगामी राष्ट्रपती म्हणून नियुक्ती करण्यात आली आहे. हीच फॅसिस्ट शक्ती आहेत जी आता विरोध करत आहेत. या शक्ती सरकारला वेठीस धरण्याचा प्रयत्न करत आहेत, असे विक्रमसिंघे म्हणाले.

आंदोलकांनी पंतप्रधान कार्यालयावर कब्जा केला आहे. यावेळी सुरक्षा दलांनी त्यांना रोखण्याचा प्रयत्न केला मात्र त्यांना अपयश आले. रुग्णालयाने दिलेल्या माहितीनुसार, आतापर्यंत सुमारे 30 आंदोलक जखमी झाले आहेत. आंदोलकांना सामोरे जाण्यासाठी लष्कर आणि पोलिसांना सुट देण्यात आली आहे. देशातील कायदा आणि सुव्यवस्था पूर्ववत करण्यासाठी देशातील सुरक्षा यंत्रणांनी जे काही शक्य आहे ते करावे, असे विक्रमसिंघे यांनी आदेशात म्हटले आहे.

राष्ट्रपती राजपक्षे आणि पंतप्रधान विक्रमसिंघे यांच्या राजीनाम्याची मागणी करत शनिवारी राजधानीतील राष्ट्रपती भवन, राष्ट्रपती सचिवालय आणि पंतप्रधानांचे अधिकृत निवासस्थान, टेम्पल ट्रीज या राजधानीतील तीन मुख्य इमारतींवर हल्ला करणाऱ्या आंदोलकांनी अजूनही तेथे कब्जा केला आहे. श्रीलंका, 22 दशलक्ष लोकसंख्येचा देश, अभूतपूर्व आर्थिक संकटात सापडला आहे, लाखो लोक अन्न, औषध, इंधन आणि इतर आवश्यक वस्तू खरेदी करण्यासाठी संघर्ष करत आहेत.

टीव्ही प्रसारण निलंबित

निदर्शकांनी इमारतीवर हल्ला केल्याने बुधवारी देशाच्या सरकारी दूरदर्शन वाहिनी रुपविहिनीचे प्रक्षेपण निलंबित करण्यात आले. श्रीलंका रुपवाहिनी कॉर्पोरेशन (SLRC) ने सांगितले की, त्यांच्या अभियंत्यांनी चॅनेलचे थेट आणि रेकॉर्ड केलेले प्रसारण निलंबित केले कारण महामंडळाच्या परिसराला निदर्शकांनी वेढले होते. नंतर या वाहिनीने पुन्हा प्रसारण सुरू केले.