जगभरात कोरोनाचा संसर्ग (Covid 19) वाढत असताना दुसरीकडे कोरोनाचा फैलाव रोखण्यासाठी सौदी अरेबियाकडून (Saudi Arabia) महत्वाचं पाऊल उचलण्यात आले आहे. काही देशांना रेड लिस्टमध्ये टाकले आहे. त्याचबरोबर या देशांमध्ये प्रवेश करणाऱ्या नागरिकांवर कठोर कारवाई करण्याचा इशारा दिला आहे. या देशांमध्ये प्रवास करत असणाऱ्या नागरिकांवर तब्बल तीन वर्षांची प्रवासबंदी घालण्यात आली आहे. यासंबंधीची माहिती रॉयटर्स वृत्त संस्थेकडून देण्यात आले आहे.

सौदीच्या परराष्ट्र मंत्रालयाच्या एका महत्त्वाच्या अधिकाऱ्याने नाव जाहीर करण्याच्या अटीवर दिलेल्या माहितीनुसार, काही सौदी अरेबियाचे नागरिक ज्यांना मे महिन्यात प्रशासनाने कोणत्याही परवानगीशिवाय विदेशात प्रवास करण्याची परवानगी दिली होती त्यांनी प्रवासी नियमांचे उल्लघंन केले आहे. मार्च 2020 नंतर प्रथमच ही परवानगी देण्यात आली होती.

सौदीने अर्जेंटिना, अफगाणिस्तान, ब्राझील, इजिप्त, इथोपिया, भारत, (India) इंडोनेशिया, लेबनॉन, पाकिस्तान, (Pakistan) दक्षिण आफ्रिका, तुर्की, व्हिएतनाम आणि संयुक्त अरब अमिराती या देशामध्ये प्रवास करण्यावर नागरिकांना बंदी घातली आहे. ज्या देशांनी कोरोना महामारीवर नियंत्रण मिळवलेले नाही किंवा ज्या देशांमध्ये नव्याने कोरोनाचा फैलाव वाढला आहे किंवा दुसऱ्या देशांमध्ये प्रवास करण्यावर बंदी घालण्यात आली आहे.

सौदी अरेबियामध्ये मंगळवारी 1379 नव्या रुग्णांची नोंद झाली आहे. यासोबत देशातील एकूण कोरोना रुग्णसंख्या 5 लाख 20 हजाराव पोहोचली आहे. तर अद्याप देशात 9189 जणांचे मृत्यू झाले आहेत.