Vladimir Putin: रशियाचे राष्ट्राध्यक्ष व्लादिमीर पुतिन यांनी ऐतिहासिक पाऊल उचलत शुक्रवारी युक्रेनमधील चार राज्ये आपल्या देशात विलीन केली. गेल्या वर्षभरापासून युक्रेनसोबत सुरु असलेल्या युद्धात रशियासाठी हे मोठे पाऊल मानले जात आहे. पुतीन यांनी या राज्यांतील प्रमुखांचीही नियुक्ती केली आहे.

दरम्यान, शुक्रवारी एका ऐतिहासिक समारंभात व्लादिमीर पुतिन (Vladimir Putin) यांनी युक्रेनची (Ukraine) चार राज्ये आपल्या देशात विलीन केली, असे रशियन सरकारी वृत्तसंस्था टासने म्हटले. डोनेस्तक, लुहान्स्क, झापोरिझ्झ्या आणि खोरासन अशी या राज्यांची नावे आहेत. रशियाचे अध्यक्ष पुतिन यांनी क्रेमलिनमध्ये सही करुन हे प्रदेश ताब्यात घेतले. ऐतिहासिक भाषणाने पुतिन यांनी या राज्यांच्या प्रमुखांचीही नियुक्ती केली आहे.

सार्वमतामध्ये मॉस्कोचा पाठिंबा मिळाला

युक्रेनच्या या राज्यांमध्ये सार्वमत घेण्यात आल्याचा दावा क्रेमलिनने केला आहे. ज्यामध्ये 99 टक्के लोकांनी मॉस्कोच्या (Moscow) समर्थनार्थ मतदान केले. लवकरच ही राज्ये रशियात विलीन होणार असल्याची घोषणा क्रेमलिनने त्यावेळी केली होती.

पश्चिमेने इशारा दिला होता

युक्रेनसह पाश्चिमात्य देशांनी युक्रेनची राज्ये आपल्या देशात विलीन केल्याबद्दल रशियाचा (Russia) निषेध केला होता. असे झाल्यास रशियाला नव्या निर्बंधांना सामोरे जावे लागेल, असा इशाराही पाश्चिमात्य देशांनी रशियाला दिला होता.