रशिया आणि युक्रेन यांच्यात मागील दीड- दोन महिन्यांपासून युध्द सुरु आहे. यातच आता रशियाचे राष्ट्राध्यक्ष व्लादिमीर पुतिन (Vladimir Putin) यांनी मोठी घोषणा केली. रशियाने मारियुपोलला "मुक्त" केल्याचे पुतीन यांनी म्हटले. तत्पूर्वी, रशियाचे (Russia) संरक्षण मंत्री सर्गेई शोइगु यांनी पुतीन यांना सांगितले की, ''रशियाने युक्रेनच्या (Ukraine) मारियुपोल शहरातील अझोव्स्टल स्टील प्लांटचा ताबा घेतला आहे. अझोव्ह समुद्रात वसलेल्या मारियुपोलचे संपूर्ण नियंत्रण रशियासाठी एक मोठा सामरिक विजय असेल.'' (Russia has liberated Mariupol said Russian President Vladimir Putin)

दरम्यान, पूर्व युक्रेनमधील रशियन समर्थक फुटीरतावाद्यांच्या ताब्यातील प्रदेश क्रिमियाला जोडण्याचा मार्ग मोकळा होईल, जो पूर्वी युक्रेनच्या कब्जात होता. यानंतर रशियाचे राष्ट्राध्यक्ष व्लादिमीर पुतिन यांनी आपल्या लष्कराला युक्रेनचा शेवटचा गड मारियुपोलवर हल्ला न करण्याचे आदेश दिले.

तत्पूर्वी, रशियन सैन्याने मारियुपोलमध्ये तैनात असणाऱ्या युक्रेनियन सैन्यांना शस्त्रे खाली टाकण्याचा अल्टिमेटम दिला होता. शस्त्रे खाली टाकल्यास जिवदान दिले जाईल, असेही रशियन सैन्यांकडून सांगण्यात आले होते. आज तोपर्यंत मारियुपोल शहरावर कब्जा केल्याची घोषणा रशियाच्या संरक्षण मंत्रालयाने केली.

तसेच, शोइगु यांनी पुतीन यांना एका व्हर्च्युअल बैठकीत सांगितले की, "मारियुपोल मुक्त झाले आहे." ते पुढे म्हणाले की, 'उर्वरित राष्ट्रवादी गटांनी अजोवास्टल प्लांटच्या औद्योगिक क्षेत्रात आश्रय घेतला आहे.'

शोइगु म्हणाले की, 'सुमारे 2,000 युक्रेनियन सैनिक प्लांटमध्ये आहेत, जिथे ते भूमिगत सेवा वापरत आहेत.'

पुतीन पुढे म्हणाले की, 'मारियुपोलचे "स्वातंत्र्य" हे रशियन सैन्यासाठी "यश" होते. परंतु त्यांनी शोइगुला औद्योगिक क्षेत्रावरील पूर्वनियोजित ताबा सोडण्याचे आदेश दिले आहेत.' यास पुतीन यांनी "अव्यवहार्य" म्हटले.'

जवळपास एक महिन्यापासून रशियन सैन्याने मारियुपोलला वेढा घातला होता. दरम्यान या शहरात हजारो नागरिकांचा मृत्यू झाल्याचे मानले जात आहे. शहरात अनेक जीवनाश्यक वस्तूंचा तुटवडा जाणवत आहे.