Russia Fire: रशिया-युक्रेन यांच्यात सुरु असलेलं युद्ध थांबण्याचं नाव घेत नाहीये. यातच रशियामधून एक धक्कादायक बातमी समोर आली आहे. गॅस स्टेशनला आग लागल्याने मोठा स्फोट झाला. या स्फोटामध्ये 12 जणांचा मृत्यू झाला असून 60 हून अधिक लोक जखमी झाले आहेत. मृतांमध्ये दोन मुलांचाही समावेश आहे. ही घटना रशियाच्या (Russia) दागेस्तानी शहरातील आहे.
रिपोर्टनुसार, हायवेच्या बाजूला असलेल्या एका ऑटो रिपेअर शॉपमध्ये आग लागली आणि काही वेळात ती जवळच्या गॅस स्टेशनमध्ये पसरली. त्यामुळे गॅस स्टेशनला भीषण आग (Fire) लागली. या आगीमुळे एक मजली घरही जळून खाक झाले. या आगीत 12 जणांचा मृत्यू झाला असून 60 हून अधिक जण जखमी झाले आहेत.
एका प्रत्यक्षदर्शीने सांगितले की, परिस्थिती युद्धासारखी होती. दागेस्तानीचे गव्हर्नर सर्गेई मेलिकोव्ह यांनी सांगितले की, ही घटना मंगळवारी सकाळी घडली. जखमींमध्ये 13 मुलांचा समावेश आहे. आग आटोक्यात आणण्यासाठी अग्निशमन दलाच्या जवानांना साडेतीन तास लागले. या आगीने 600 चौरस मीटर क्षेत्राला वेढले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.