फिलीपिन्समधील (philippines) दिवंगत नेते फर्डिनांड मार्कोस (Ferdinand Marcos) यांचा मुलगा फर्डिनांड मार्कोस ज्युनियर (Bongbong Marcos) याने त्यांचे प्रमुख प्रतिस्पर्धी, विद्यमान उपाध्यक्ष मारिया लिओनोर रॉब्रेडो यांचा पराभव करून राष्ट्रपतीपदाची निवडणूक जिंकली आहे. प्राथमिक निकालात त्यांना अनधिकृतपणे 83.1 टक्के मते मिळाली. एकेकाळी फिलिपाइन्समध्ये मार्कोसचे कुटुंब सत्तेवर राज्य करत होते. पण भ्रष्टाचाराचे आरोप झाल्यानंतर मार्कोस कुटुंब हवाईला गेले. (Philippines Marcos family regains power)

मार्कोस ज्युनियर यांना सोमवारच्या निवडणुकीत रॉब्रेडोच्या 12,736,644 मतांच्या तुलनेत 26,681,414 मते मिळाली, असे वृत्तसंस्थेने वृत्त दिले आहे. एका व्हिडिओ संदेशात, मार्कोस ज्युनियर, जो बोंगबॉन्ग म्हणून प्रसिद्ध आहे, ते म्हणाले की, "गेल्या काही महिन्यांत या दीर्घ आणि कधी कधी खूप कठीण प्रवासात आमच्यासोबत असलेल्या सर्वांचे आम्ही आभारी आहोत." "तुम्ही आमच्यासाठी जे काही केले त्याबद्दल मी तुमचे आभार मानू इच्छितो".

फिलिपिन्सचे हुकूमशहा फर्डिनांड मार्कोस यांचा मुलगा फर्डिनांड मार्कोस ज्युनियर मोठ्या विजयासह देशाचा राष्ट्राध्यक्ष बनला आहे. ज्यामुळे देशातील सर्वात प्रसिद्ध राजकीय कुटुंब पुन्हा एकदा सत्तेवर येईल. फर्डिनांड मार्कोस जूनियर यांना त्यांचे प्रतिस्पर्धी लेनी रॉब्रेडो यांच्यापेक्षा दुप्पट मते मिळवली आहेत. रॉब्रेडो हे विद्यमान राष्ट्राध्यक्ष रॉड्रिगो दुतेर्ते यांच्या सरकारमध्ये उपाध्यक्ष पदावर होते. 96 टक्क्यांहून अधिक मतांची मोजणी केल्यानंतर त्यांना 1.45 कोटी मते मिळाली, तर तिसर्‍या क्रमांकावर प्रसिद्ध बॉक्सर मॅनी पॅसिओ आहे, ज्यांना आतापर्यंत 35 लाख मते मिळाली. मार्कोसला 3.05 कोटी मते मिळाली आहेत.