दक्षिण नायजेरियातील इमो राज्यातील बेकायदेशीर तेल शुद्धीकरण कारखान्यात मोठा स्फोट झाला आहे. या अपघातात 100 हून अधिक जणांचा मृत्यू झाल्याची माहिती समोर येत आहे.

नायजेरियन (Nigeria) अधिकाऱ्यांनी या स्फोटात 100 हून अधिक लोकांचा मृत्यू झाल्याची माहिती दिली आहे. या अपघातात अनेक जण गंभीर जखमीही झाले आहेत. त्यामुळे मृतांचा आकडा आणखी वाढण्याची भीती व्यक्त केली जात आहे.

अपघातापूर्वीच रिफायनरी चालक फरार
पेट्रोलियम अधिकारी ओपियो यांच्या म्हणण्यानुसार, अचानक झालेल्या स्फोटामुळे कोणालाही सावरण्याची संधी मिळाली नाही. स्थानिक अधिकारी घटनास्थळी पोहोचले तेव्हा त्यांना परिसरात सर्वत्र जळालेले मृतदेह आढळले. बेकायदेशीर तेल शुद्धीकरण कारखान्याच्या संचालकाला सरकारने यापूर्वीच फरारी घोषित केले आहे.

नायजेरियात तेलाची चोरी वारंवार होत असते
स्फोटानंतर संपूर्ण परिसरात धुराचे लोट दिसत होते. जनरल कॉलिन्स, क्षेत्राचे समुदाय नेते आणि इमो मधील तेल आणि वायू उत्पादन क्षेत्राच्या सर्वोच्च परिषदेचे अध्यक्ष, म्हणाले की, आतापर्यंत 108 मृतदेह सापडले आहेत. तेल कंपन्यांच्या मालकीच्या पाइपलाइनमधून कच्चे तेल चोरून आशे बेकायदेशीर तेल शुद्धीकरण कारखाने चालवले जातात. नायजेरियामध्ये तेल पाइपलाइन छेडछाड आणि तेल चोरीच्या वारंवार बातम्या येत असतात.