युक्रेनमधील विरोधी पक्षनेते आणि रशियाचे अध्यक्ष व्लादिमीर पुतीन यांचे निकटवर्तीय व्हिक्टर मेदवेदचुक यांना युक्रेनच्या गुप्तचर यंत्रणांनी एका विशेष कारवाईत अटक केली आहे. (Opposition leader of Ukraine arrested on treason charges)

युक्रेनच्या राष्ट्रीय सुरक्षा एजन्सीचे प्रमुख इव्हान बाकानोव्ह यांनी एजन्सीच्या टेलिग्राम चॅनेलवर मेदवेदचुकच्या अटकेची पुष्टी केली. राष्ट्राध्यक्ष वोलोडिमिर झेलेन्स्की यांनीही अटक केलेल्या मेदवेदचुकचा फोटो सोशल मीडियावर शेअर केला आहे. झेलेन्स्कीच्या टेलिग्राम चॅनेलवरून प्रसिद्ध झालेल्या या फोटोमध्ये, विरोधी पक्षनेते मेदवेदचुक हे हातकडी घातलेले दिसत आहेत.

मीडिया रिपोर्ट्सनुसार, रशियाचा हल्ला सुरू होण्यापूर्वी विरोधी पक्षनेते मेदवेदचुक यांना युक्रेनमध्ये (Ukraine) देशद्रोहाच्या आरोपाखाली नजरकैदेत ठेवण्यात आले होते, परंतु युद्ध (War) सुरू झाल्यानंतर लगेचच ते गायब झाले. मात्र, त्याची वकील लॅरिसा चेरेडचेन्को यांनी तो पळून गेल्याचे आरोप फेटाळून लावले.

राष्ट्रवादी गटांच्या धमक्यांमुळे मेदवेदचुक यांना राजधानी कीव येथे हलवण्यात आल्याचा दावा करण्यात आला. विरोधी राजकारणी मेदवेदचुक यांना प्रथम देशद्रोहाच्या आरोपाखाली आणि क्राइमियामध्ये राज्य संसाधने लुटण्याचा प्रयत्न केल्याच्या आरोपाखाली नजरकैदेत ठेवण्यात आले होते. 2014 मध्ये रशियाने (Russia) क्रिमियाला युक्रेनपासून वेगळे केले.