Omicron variant: ओमिक्रॉन प्रकार 57 राष्ट्रांमध्ये नोंदवला गेला आहे. त्याच्या वाढत्या प्रसाराबरोबर रुग्णालयात (Hospital) दाखल होण्याची गरज असलेल्या रुग्णांची संख्या वाढण्याची शक्यता आहे, असे जागतिक आरोग्य संघटनेने (डब्ल्यूएचओ) (WHO) बुधवारी सांगितले.

डब्ल्यूएचओने आपल्या साप्ताहिक महामारीविषयक अहवालात म्हटले आहे की, ओमिक्रॉन प्रकारामुळे (Omicron Variant) होणाऱ्या रोगाच्या तीव्रतेचे मूल्यांकन करण्यासाठी अधिक संशोधनाची आवश्यकता आहे.

26 नोव्हेंबर रोजी, डब्ल्यूएचओने ओमिक्रॉन प्रकार घोषित केला. कोरोनाचा (Corona) हा प्रकार प्रथम दक्षिण आफ्रिकेत आढळला होता. दक्षिण आफ्रिकेत या प्रकारचे रुग्ण झपाट्याने वाढत आहेत. याच बरोबर झिम्बाब्वे, मोझांबिक, नामिबिया आणि लेसोथोमध्ये देखील कोरोना रुग्ण संखेत वाढ झाल्याचे दिसून येत आहे. ओमिक्रॉनचा प्रसार व कमी लसीकरण दर या वाढत्या रुग्ण संख्येला कारणीभूत आहे, असे तज्ञांचे मत आहे.