भारताचे परराष्ट्रमंत्री एस.जयशंकर यांच्याशी कोणत्याही प्रकारची बैठक ठरलेली नाही. किंवा तशाप्रकारची कुठलीही विनंती करण्यात आलेली नाही, असे पाकिस्तानचे परराष्ट्रमंत्री शाह महमूद कुरेशी मंगळवारी म्हणाले. ते ताजिकिस्तानची राजधानी दुशान्बे येथे पार पडलेल्या 'हार्ट ऑफ आशिया' परिषदेच्या वेळी बोलत होते.

पाकिस्तानच्या लष्कराकडून नुकत्याच झालेल्या शांतता कराराच्या उल्लंघनाच्या पार्श्वभूमीवर दोन्ही नेत्यांमध्ये संभाव्य बैठक होण्याची शक्यता वर्तवली जात होती. शाह महमूद कुरेशी यांनी पाकिस्तानचे प्रसिध्द वृत्तपत्र डॉनला सांगितले, ‘’त्यांच्यात आणि जयशंकर यांच्यात कोणतीही बैठक ठरली नाही किंवा अशी विनंती देखील केली गेली नाही.’’

भारत आणि पाकिस्तान या राजनयिक संबंधाच्या पुनर्थस्थापनेसाठी शांतपणे वाटाघाटी करत असल्याच्या मिडियाच्या अनुमोदनाबद्दल विचारले असता कुरेशी म्हणाले, अदयाप असा कोणत्याही स्वरुपाचा निर्णय झालेला नाही. जयशंकर यांना गेल्य़ा आठवड्यामध्ये प्रश्न विचारला होता, परिषदेच्या वेळी शाह महमूद कुरेशी यांची भेट घेणार आहात का? या प्रश्नाला त्यांनी उत्तर दिले नाही. (No meeting with Indian foreign ministers yet Foreign Minister Qureshi gave an explanation)

पाकिस्तानमध्ये पुन्हा हिंदूंना लक्ष्य; रावळपिंडीतील 100 वर्ष जुन्या मंदिरावर...

ते म्हणाले की, माझे वेळापत्रक ठरत आहे. आतापर्यंत अशी कोणतीही बैठक नियोजीत केली आहे मला वाटत नाही,’’ असे त्यांनी 26 मार्च रोजी नवी दिल्ली येथील इंडिया इकॉनॉमिक कॉन्क्लेव्हमध्ये सांगितले आहे. आपला सहभाग जाहीर करताना परराष्ट्र मंत्रालयाने शुक्रवारी एका निवेदनात म्हटले आहे की जयशंकर 9 व्या हार्ट ऑफ आशिया’ इस्तंबूल प्रकियेच्या मंत्री परिषदेत इतर सहभागी देशांच्या नेत्यांची भेट घेणार आहेत अशी आपेक्षा व्यक्त केली जात आहे. पाकिस्तानच्या परराष्ट्र मंत्रालयाने रविवारी सांगितले की, परिषदेच्या वेळी शाह महमूद कुरेशी हे प्रमुख ‘’प्रादेशिक आणि आंतरराष्ट्रीय भागिदारांशी सल्लामसलत’’ करतील