No Death Rule: जगातील सर्वच देशांमध्ये वेगवेगळ्या गुन्ह्यांसाठी वेगवेगळे नियम बनवले गेले आहेत, पण तुम्ही कधी विचार केला आहे का की मृत्यूसाठीही काही नियम असतील. चला तर मग जाणून घेऊया अशाच काही ठिकाणांबद्दल जिथे मृत्यूवर पूर्णपणे बंदी आहे.

मृत्यूनंतरही शिक्षेची तरतूद करण्यात आली आहे. याची अनेक कारणे आहेत. नॉर्वे, इटली, जपान, फ्रान्समध्ये अशी काही ठिकाणे आहेत, जिथे मृत्यूनंतर शिक्षेची तरतूद आहे.

अनोखे नियम

वास्तविक, भौगोलिक आणि पर्यावरणीय कारणांमुळे नॉर्वे, इटली, जपानसह या देशांतील काही ठिकाणी मृत्यूवर बंदी घालण्यात आली आहे.

नॉर्वेच्या (Norway) लॉन्गयेरबायनमध्ये 70 वर्षांपासून मृतदेह दफन केले गेले नाहीत, कारण तिथे इतका बर्फ आहे की मृतदेह सडत नाहीत किंवा नष्टही होत नाहीत. येथे आजारी व्यक्ती किंवा मृत्यू झालेल्या व्यक्तीला दुसऱ्या शहरात नेले जाते.

इटलीतील फाल्सियानो डेल मेसिको नावाच्या ठिकाणी हीच परिस्थिती कमी-अधिक प्रमाणात आहे. इथे तर यासंबंधी कायदा आहे. कारण येथील स्मशानभूमीत अंत्यसंस्कारासाठी जागाच उरलेली नाही.

आजारी असणे हा देखील गुन्हा आहे

एका मीडिया रिपोर्टनुसार, जपानमधील (Japan) इत्सुकुशिमा येथे 1878 पासून मृत्यू आणि जन्मावर बंदी घालण्यात आली आहे. दक्षिण इटलीतील सेलियामध्ये आजारी असणे हा देखील गुन्हा आहे. असाच काहीसा प्रकार स्पेनच्या लांझारॉनमध्ये आहे, जिथे स्मशानभूमींची कमतरता आहे.

तर्क काय आहे

काही ठिकाणी स्थानिक वातावरणामुळे तर काही ठिकाणी स्मशानभूमी नसल्यामुळे असे आदेश देण्यात आल्याचे सांगण्यात येते.

तथापि, त्यांच्या बाजूने असा युक्तिवाद केला जातो की, लोकांनी त्यांच्या आरोग्याबद्दल जागरुक असले पाहिजे. काही ठिकाणी तर जनजागृती मोहिमेत सहभागी न झाल्यास त्यांना दंड ठोठावला जातो.