Boat Accident: नायजेरियामध्ये मोकावा या ठिकाणी प्रवाशांसहित बोट बुडाल्याची दुर्घटना घडली आहे. यामध्ये २६ जणांचा मृत्यू झाल्याचे म्हटले जात आहे. स्थानिक अधिकाऱ्यांनी दिलेल्या माहीतीनुसार, या बोटीमधील लहान मुले, महिला, पुरुष आपल्या शेताकडे काम करण्यासाठी निघाले होते. तेव्हा हा अपघात झाला आहे.

मृत्यू झालेल्यामध्ये जास्त संख्या ही महिला आणि लहान मुलांची होती. मात्र ३० जणांना वाचवण्यात यश आले आहे. मिळालेल्या माहीतीनुसार, या बोटीत १०० पेक्षा जास्त प्रवाशी प्रवास करत होते. अजूनही बोटीतील इतरांचा शोध सुरु आहे.

आश्चर्याची बाब म्हणजे, जुलै महिन्यातदेखील असाच बोटीचा अपघात झाला होता. त्यामध्ये १०० जणांनी आपला जीव गमावला होता. बोटीचे वजन जास्त झाल्याने ही बोट बुडाल्याची अधिकाऱ्यांनी माहीती दिली आहे.

दरम्यान, नायजेरियाचा हा भाग मागासलेला असून दुर्गम भागात आहे. मिळालेल्या माहीतीनुसार, अयोग्य वाहतुकव्यवस्थेमुळे लोक नद्या पार करण्यासाठी बोटीचा वापर करतात. मात्र बोटी सुस्थितीत नसल्याने असे अपघात घडल्याचे दिसून येतात. आता अशाच कारणामुळे नायजेरियाच्या नागरिकांना आपला जीव गमवावा लागला आहे.